Министр дін туралы заң жобасында киім мен сақалға қатысты сөздердің жоқ екенін айтты
Дін істері және азаматтық қоғам министрі Нұрлан Ермекбаев Мәжілісте қаралып жатқан «Діни қызмет және діни бірлестіктер туралы» заң жобасында адамдардың киімі мен сақалына қатысты талаптар қарастырылмағанын айтты.
Министр бұл заң жобасында оқушылардың киімі, міндетті екпе егу сияқты даулы мәселелер қамтылмағанын айтты, деп хабарлайды Baq.kz.
«Кейбір адамдардың қате түсініктері, әдейі жасалып отырған және жалған бұрмаланған мәліметтері бойынша мынаны айтқым келеді. Заңның өзінде мектеп киімі, міндетті екпе егу нормалары туралы сөз қозғалмаған. Сақал, шалбар т.б. сөздер мүлде жоқ. Жалпы заң жобасы қоғам мен мемлекет алдында адамдар өз міндетін сақтай отырып, олардың құқықтары мен еркіндіктерін қамтамасыз етуді бірінші орынға қойып отыр. Заң жобасы еліміздегі тұрақтылық пен қауіпсіздіктің берік іргетасын қалыптастыруға бағытталған», – деді министр Сенат қабырғасында өткен ҚР азаматтық қоғамды дамыту мәселелері бойынша заңнамасын жетілдіру тақырыбындағы дөңгелек үстелде.
Еске сала кетсек, жақында ғана Мәжілісте «Қазақстан Республикасының кейбір заңнамалық актілеріне діни қызмет және діни бірлестіктер мәселелері бойынша өзгерістер мен толықтырулар енгізу туралы» заң жобасы таныстырылған болатын.
Тағы да оқыңыз:
Петропавлда екі баласымен бірге мерт болған әйел қайтыс боларын алдын ала сезген
Елбасының тапсырмасынан кейін мәжілісте ұлты басқа депутаттар жаппай қазақша сайрап кетті
Алматыда балалар үйінде өскен жеткіншек туған әке-шешесін іздеп жүр
Астанада абақтыдан қашқан қылмыскердің әкесі ұлымды түрмедегілер ұрып-соққан деп отыр