"500 миллионнан астам теңгесін алып, жала жапты": Бишімбаевтың ата-анасы туыстарын сотқа берді
Фото: Видеодан скриншот
Қуандық Бишімбаевтың ата-анасы туыстары Қайрат пен Бекзат Кемеловтерді сотқа берді. Бұрынғы шенеуніктің анасы Бекзатты миллион долларға жуық алаяқтық жасады, ал оның күйеуін жала жапты деп айыптап отыр. Бұл туралы Stan.kz ақпарат агенттігі Tengrinews.kz сайтына сілтеме жасап хабарлайды.
Осы жылдың қаңтарында Бишімбаевтың анасы Альмира Нұрлыбекова туысы Бекзат Кемелованы сотқа берген. Сөзінше, ол алаяқтық жолмен миллион доллар алып, оны қайтарудан бас тартқан. Алайда Бекзаттың күйеуі, сот-медициналық сарапшы Қайрат Кемелов Бишімбаевтың анасы Салтанаттың өлімі бойынша сараптама нәтижесіне ықпал етпегені үшін кек алып отыр деп мәлімдеді. Мұны Қуандық Бишімбаевтың адвокаты Ерлан Ғазымжанов айтты.
"Бишімбаевтың ата-анасы қазір тек Қайрат Кемеловпен соттасып жатыр. Тергеу кезінде олар отбасының қиын жағдайға тап болғанын пайдаланған. 2023 жылдың қарашасында Қуандық Бишімбаев ұсталған кезде Бекзат Кемелова жақын адам ретінде олардың үйіне жиі келіп тұратын. Бір кездері Салтанаттың әкесі Бишімбаевтар отбасының мүлкін тексеруді талап еткен еді. Сол сәтті туыстары пайдаланған", – деді Ғазымжанов.
Адвокаттың айтуынша, Кемелова Бишімбаевтың анасын "Антикорда" жұмыс істейтін туысы бар деп қорқытқан. Ол Бишімбаевтардың мүлкіне қатысты іс қозғалғанын және жақын арада тінту жүргізілетінін айтып, ескерткендей болыпты.
"Кемелова оларды "Үйіңізде бағалы заттарыңыз болса, бізге беріңіз. Тінту аяқталғанда, біз оны қайтарамыз" деп алдаған. Осы сылтаумен барлық ақшаны алып кеткен. Бұл – шамамен 990 мың доллар (506 миллион теңге)", – деді адвокат.
Адвокаттың айтуынша, Қуандық Бишімбаевқа үкім шыққанда, анасы ақшаны қайтаруды сұраған, бірақ Кемелова қайтармады.
Біраз уақыттан кейін Бекзат Кемелованың үйіне Бишімбаевтың ата-анасы келді, бірақ онда басқа туыстары тұрып жатқан. Бұл ретте Кемелова күйеуімен бірге Астананың сол жағалауынан екі жаңа пәтер сатып алғаны белгілі болды.
Адвокат Ғазымжановтың айтуынша, 2024 жылдың 2 қазанында Бишімбаевтың ата-анасы арыз жазып, қылмыстық іс қозғалған. Айғақтарды жинау басталып, 2025 жылдың қаңтарында Бекзат Кемелова ұсталып, қамауға алынды. Оның күйеуі мен қорғаушысы Бишімбаевтар отбасын бұл істі ойдан шығарды деп айыптады.
Ғазымжановтың айтуынша, Бишімбаевтың ата-анасы "сарапшыларға пара бергісі келді" деген айып тағылғандықтан, ар-намысын қорғау үшін сотқа арызданған.
"Сот жүріп жатыр. Бүгін тағы бір сот отырысы өтуі керек еді, бірақ кейінге шегерілді", – деді қорғаушы.
Ғазымжанов сондай-ақ Бишімбаевтардың туысы Кемелованың бұлтартпау шарасы өзгертілгенін және бүгін оның үйқамаққа алынғанын айтты.
Еске салайық, бұған дейін Назым Қаһарман 30 наурызда Қуандықтың адвокаты хабарласып, оның анасы алименттер мен басқа міндеттемелерді төлеуден бас тартқанын жеткізген. Себебі бұрынғы атасында балалардан басқа шығындар да болған. Сонымен қатар балалар ата-әжесімен тығыз қарым-қатынаста емес екенін атап өткен.
Сонымен қатар 31 жастағы Салтанат Нүкенова 2023 жылғы 9 қарашада жұбайы, Ұлттық экономика экс-министрі Қуандық Бишімбаевтың қолынан қаза тапты. Ерекше қатыгездікпен жасалған бұл кісі өлтіру мен азаптаулар үшін Бишімбаев 24 жылға бас бостандығынан айырылды.
