Мейіржан Берекетов қазақ күресінен әлем чемпионы атанды
Үндістанда өтіп жатқан қазақ күресінен әлем чемпионатында Мейіржан Берекетов жеңімпаз атанды. Бұл туралы Stan.kz ақпарат агенттігі хабарлайды.
Фото: instagram.com/meirzhan.bereketov
Үндістан астанасы Делиде өтетін бәсеке 26-27 ақпанға жоспарланған.
Жарыстың алғашқы күнінде 60 келі салмақта белдескен спортшы Мейіржан Берекетов қарсыласты қоғадай жапырып, финалға шықты. Алтын үшін таласта қазақстандық спортшы грузин балуанын жеңді.
Бұған дейін, Мейіржан Астанада өткен V Бүкіләлемдік көшпенділер ойынында чемпион атанған еді. Спортшы Солтүстік Қазақстан облысының тумасы.
Осылайша, Мейіржан Берекетов Қазақстан қоржынына әлем чемпионатындағы алғашқы алтын жүлдені салды.
Талқылау