"Мен де мінген едім": Балжан Бидаш Нью-Йорктегі тікұшақ апатына қатысты пікір білдірді

Танымал әнші Балжан Бидаш Нью-Йорктегі тікұшақ апатынан аман қалғанын айтты. Бұл туралы Stan.kz ақпарат агенттігі хабарлайды.

Фото: Видеодан скриншот

Өнер иесі Америка еліне саяхаттап кеткен еді. Әлеуметтік желідегі парақшасында Нью-Йорктегі тікұшақ апатының видеосын жариялады. 

“Мен де мінген тікұшақтың бірі құлады. Бір отбасы кетті. Жүрегім-ай” деп жазды эстрада жұлдызы.

• Мысыр жағалауында туристер мінген батискаф суға батып кетті: Қаза тапқандар бар

• 12 сағат бойы мұз қатқан көл ортасында отырған: АҚШ-та ұшақ апатына тап болған отбасы ғажайып түрде аман қалды

Сондай-ақ өнер иесі алаңдап жатқан тыңдарман қауымға алғыс білдіріп, дін-аман екенін айтты. 

“Маған тоқтаусыз осы видеоларды оқырмандарым жіберіп жатыр. “Амансыз ба” деп жазып, уайымдап жатқан жандарға рақмет. Құдай аяқ асты келетін апаттан сақтасын”, – деп жазған әнші. 

Еске салайық, Нью-Йоркте туристік тікұшақ апатқа ұшырап, Siemens Испания компаниясының басшысы мен отбасы қаза тапқан еді.