"Мемлекетке опасыздық жасады": ҰҚК Сыроежкинге шығарылған үкім туралы айтты
Ұлттық қауіпсіздік комитеті Константин Сироежкинге шығарылған үкім туралы айтты, деп хабарлайды Stan.kz ақпарат агенттігі.
Алматы қаласының қылмыстық істер жөніндегі мамандандырылған ауданаралық соты Константин Сыроежкинді мемлекетке опасыздық жасады деп айыпты деп тапты (Қазақстан Республикасы Қылмыстық кодексінің 175-бабының 1-бөлігі). Ол 10 жылға сотталды. ҰҚК сайтының хабарлауынша, үкім 7 қазанда шығарылған.
Департаменттің баспасөз қызметі хабарлағандай, Константин Сыроежкин - 1956 жылы туған Қазақстан азаматы.
Еске салайық, Константин Сироежкин 2019 жылдың ақпан айында қамауға алынды.
Ашық дереккөздерге сүйенсек, Константин Сироежкин - тарих ғылымдарының кандидаты және саяси ғылымдардың докторы.
1995-2000 жылдары - Қазақстан президенті жанындағы Қазақстан стратегиялық зерттеулер институты директорының орынбасары болды.
1997 жылы Қазақстан ақпараттық-талдау орталығының «Қытай, Орталық, Оңтүстік-Шығыс Азия» бағдарламасын үйлестірді.
2003-2006 жылдары ол аналитикалық орталықты басқарды және инвестициялардың қайтарымдылығын зерттеу жөніндегі агенттіктің жетекші сарапшысы болды.
2006 жылдан бастап Қазақстан стратегиялық зерттеулер институтының бас ғылыми қызметкері болып жұмыс істеді.