Мемлекет басшысы 2020 – 2022 жылдарға арналған Қазақстан Республикасының бірнеше заңдарына қол қойды
Президент Қасым-Жомарт Тоқаев республиканың үш жылдық бюджетіне, қалалар арасындағы трансфертқа және ұлттық фондтан төленетін қаржыға байланысты заңнамаларға қол қойды, деп хабарлайды Stan.kz ақпарат агенттігі.
Бұл туралы Ақорданың баспасөз-қызметі мәлімдеді.
Атап айтсақ, мемлекет президенті «Республикалық және облыстық бюджеттер, республикалық маңызы бар қалалар, астана бюджеттері арасындағы 2020 – 2022 жылдарға арналған жалпы сипаттағы трансферттердің көлемі туралы», Ұлттық қордан республикалық бюджетке кепілдік берілген трансферттің өлшемдері бекітілетін «Қазақстан Республикасының Ұлттық қорынан 2020 – 2022 жылдарға арналған кепілдендірілген трансферт туралы» және «Қазақстан Республикасының кейбір заңнамалық актілеріне мемлекеттік қызмет және сыбайлас жемқорлыққа қарсы іс-қимыл мәселелері бойынша өзгерістер мен толықтырулар енгізу туралы» зағдарын бекітті.
Заңның мәтіні баспасөзде жарияланады. Аталған заңнамаларда Қазақстан президентінің қоғамдық жұмыскерлер, ұстаздар және мәдениет қайраткерлерінің жалақысын көтеру және т.б. нұсқаулықтары көрсетілген.
Бұған дейін Тоқаев "Болашақ" бағдарламасы бойынша оқуға кеткен жастар жайлы өз пікірін білдірген еді.