Медициналық сақтандыру қорына жаңа басшы тағайындалды
Айдын Құлсейітов медициналық сақтандыру қорының басшысы болып тағайындалды. Бұл туралы Stan.kz ақпарат агенттігі хабарлайды.
Фото: Денсаулық сақтау министрлігі
Денсаулық сақтау министрі Ақмарал Әлназарова әлеуметтік медициналық сақтандыру қорының ұжымына жаңа басшыны таныстырды.
"Әлеуметтік медициналық сақтандыру қоры" КеАҚ Басқарма төрағасы лауазымына Айдын Құлсейітов тағайындалды.
Министрліктің мәліметінше, Айдын Құлсейітов Өскеменде дүниеге келген.
Шығыс Қазақстан мемлекеттік техникалық университетін "Инженер-экономист" мамандығы бойынша және ҚР президенті жанындағы мемлекеттік қызмет академиясын "Мемлекеттік қызмет менеджері" мамандығы бойынша бітірген.
Еңбек жолын басқарушы лауазымдарға дейін жеке салада бастаған. Артынша индустрия және сауда министрлігінде, энергетика және минералдық ресурстар министрлігінде жұмыс істеді, "Технологиялық даму жөніндегі ұлттық агенттік" АҚ, "Қазақстандық индустрияны дамыту институты" АҚ басқарма төрағасы болды.
2017 жылдан бастап ҚР президентінің әкімшілігінде бірқатар басшылық қызмет атқарды.
Соңғы екі жылда ҚР президенті әкімшілігінің әлеуметтік-экономикалық мониторинг бөлімінің басшысы болып жұмыс істеді.
Осы уақытқа дейін Қазақстан президенті әкімшілігінің әлеуметтік-экономикалық саясат бөлімінің меңгерушісі лауазымында қызмет атқарды.