Қазіргі таңда Қазақстандағы ірі жанармай бекеттері желілерінде дизель отынының литрі 135-136 теңге болып тұр. Ал аграршылар үшін литріне 122-128 теңге деңгейінде баға белгіленген болатын, деп хабарлайды «ҚазМұнайГаз Өнімдері» ЖШС.

Сонымен бірге, «Бензин (авиациялық бензинді қоспағанда) мен дизель отынына арналған акциз мөлшерлемелерін бекіту туралы» Қазақстан Республикасы Үкіметінің 2015 жылғы 13 наурыздағы № 133 қаулысына өзгеріс енгізу туралы» Қазақстан Республикасы Үкіметінің 2017 жылғы 31 наурыздағы № 144 қаулысына сәйкес 2017 жылдың 1 маусымынан бастап дизель отынын сатуға акциз мөлшерлемесі тоннасына 9300 теңгені құрайды. Акциздің ұлғаюы есебінен ғана көтерме бағаның өсуі шамамен литріне 7,3 теңгені құрайды, бұл ЖҚС (жанармай құю станциялары) желілеріндегі бағаға әсерін тигізеді.

Дизель отыны мен бензиннің бағасын бірте-бірте теңестіру – нарық тенденцияларының бірі. Көптеген елдерде дизель отыны мен бензиннің бағасы бірдей. Мысалы, көрші Ресейде бұл мұнай өнімдерінің бағалары литріне 208-209 теңгені құрайды.

Сонымен қатар, өндіру мен тұтыну көлемдерінің, қорлар динамикасының, ҚР нарығындағы және РФ импортының көтерме бағаларының өзгеруі келешекте мұнай өнімдерінің жекелеген түрлеріне бөлшек бағалардың өсуіне әсер етуі мүмкін.

Тағы да оқыңыз:

Ақтауда бір топ жігіт ер адамды соққыға жығып, пышақтап кетті (видео)

Қызылорда тұрғыны өзін “Қайсар” футбол клубының капитаны соққыға жықты деп жәбірленді

Қазақстандық жезөкшелер ЭКСПО кезінде қызмет көрсетіп ақша таппақ

Талқылау