"Мас кезінде ұрып, тісін сындырған": Астаналық ер адам анасын өлтіріп, қылмысын жасыру үшін жедел жәрдем шақырған
Астанада 55 жастағы ер адам өз анасын өлтіргені үшін 11 жылға бас бостандығынан айырылды. Ол қылмысты жасыру мақсатында жедел жәрдем шақырған. Бұл туралы Stan.kz ақпарат агенттігі хабарлайды.
Іс материалдарына сәйкес, оқиға 2025 жылдың 3 шілдесінде болған. Ер адам төсекке таңылған, тұрақты күтімді қажет ететін анасын өз үйінде тұншықтырған.
“Мойнына сүлгі орап тұншықтырған”
"Ер адам төсекке таңылған анасына ұзақ күтім жасаудан туындаған жеке қақтығыстар мен үнемі сөз-тартыстан шаршаған. Ол мас күйінде диванда жатқан анасына жақындап, қасақана екі қолымен мойнын орап, тұншықтырған",- делінген құжатта.
Сотта ер адам кінәсін мойындамады. Ол сол күні таңертең анасының қанындағы қант деңгейін және қызуын өлшегенін, сосын "еденге отырып, анасының сауығып кетуі үшін дұға еткенін" айтқан.
Сонымен қатар ол анасы өзін жайсыз сезініп өзгеріп кеткенін, кейін тыныс алмай қалғанын жеткізді. Айтуынша ол шокта болған. Содан кейін ол жедел жәрдем шақырып, анасына жасанды тыныс беріп, жүрекке массаж жасауға тырысқанын айтты.
Алайда жедел жәрдем қызметкерлері әйелдің қайтыс болғанын растағанда ер адам “анамды жалыннан құтқардым” деп айтқан.
Фельдшердің айтуынша, шақыртуға барған кезде ол жөргек киіп жатқан 70–75 жастағы әйелді көрген. Жүрек қағысын тексергеннен кейін әйелдің қайтыс болғаны анықталған. Әйелдің бетінде 5–6 көгерген із, ал мойнында жасыл сүлгі байланған болып шықты. Сүлгінің астында мойынның екі жағында да көгерген іздер болған. Алайда ер адам ол сүлгіні анасының өзі мойнына байлағанын айтқан.
“Ұлы есірткі шегіп анасын ұрған: Анасы жамбасын сындырып төсек тартқан”
Дегенмен көршілер сотта әйелдің 8 жыл бұрын жамбасын сындырып, сол уақыттан бері төсек тартып жатқанын айтты.
Куәгерлердің сөзінше, ер адам жатайынан ішімдікке тәуелді болып, 1990 жылдары есірткі де қолданған. Тіпті есірткі таратты деген айыппен тергеуде болған. Көршілер оның анасын ұрып-соққанын, агрессивті мінез көрсеткенін және жиі мас күйінде жүргенін бірнеше рет хабарлаған. Кейде оны 10–20 тәулікке қамаған.
Тағы бір оқиғада ол анасының алдыңғы тістерін сындырып, бетіне көп көгерген іздер қалдырған. 2024 жылдың жазында ол: "анам жүре алады" деп айтқан. Ер адам жиі ұрыс пен жеккөрушілік негізінде анасын ұрып отырған. Куәгерлердің айтуынша, әйел ұлынан қатты қорқатын болған.
Эксперттер бас-ми жарақаты, қабырға сынуы, ерін мен тілдегі аздап жарақаттар, бет, мойын, кеуде және қолдардағы сызаттар мен көгерген іздер тіркелгенін айтты. Көбісі осы трагедиядан бірнеше сағат бұрын жасалған. Тексеру барысында әйелдің денесінде көптеген жарақаттар анықталған. Өлімнің басты себебі – тұншықтыру болған.
Құжатта көрсетілгендей, бұл жарақаттар қатты заттардан жасалған болуы мүмкін. Жарақаттың сипаты кездейсоқ емес екенін және мойынға күш қолданылғанын дәлелдейтінін атап көрсеткен.
Сот ер адамның кінәсін толық дәлелденген деп таныған. Ол Қылмыстық кодексінің 99-бабы 1-бөлімі бойынша "Қасақана кісі өлтіру" баптары бойынша кінәлі деп танылып, 11 жылға орта қауіпсіздікті колонияда қамауға алынды.
Қант диабетімен ауыратын 19 жастағы қазақстандық комиссия шешімімен "емделіп" кеткен: Оны мүгедектігінен айырып тастады
