“Гүзелім физик, IT технология маманы, Мәриямгүлім Қазақстанның Еңбек сіңірген қайраткері болды. Осыдан 11 жыл бұрын жоғалттым. Ол өзімізден де болуы да мүмкін, қазақшылыққа салынып, кештетіп барамыз дәрігерге. Жүрегі ауыратын. Қызымның артында баласы қалды. Сол Қайратымнан екі шөберем бар. Гүзелімнен бір немерем бар, өкінішке қарай оның баласы жоқ.

Ал Төлегенім театр институтын бітіріп, біраз уақыт қана мәдениет саласында жұмыс істеді. Әкімшілік жұмыстармен шұғлданып кетті. Аяғын сындырып, қазір мүгедек болып отыр. Қазір Гүзеліммен тұрып жатырмын. Әрине, менімен өмір сүруге оған қиын болды. Ол физик маманы, мен мәдениет саласының маманы. Үнемі менімен бірге жүруі керек”, – деп әңгімеледі Бибігүл Ахметқызы.

Төлегенова марқұм қызын жиі түсінде көретінін жасырмады.

“Қашан да болса жарқырап, күліп, қасымда жүріп шығып кетеді. Сонда арғы жақта мені ойлап жатыр екен деп ойлаймын.

Әрине, Мәриямгүл кеткенде маған қиын болды. Өйткені ол менің қызым ғана емес, екеуміз бірге жұмыс істедік. Көп уақыт сахнаға бірге шықтық, гастрөлдік сапарға да бірге бардық. Сондықтан маған қиын болды. Енді адам деген бәріне шыдау керек қой. Болған іске болаттай берік бол деген”, – деген әнші көз жасына ерік беріп, жылап қалды.

Сұхбат барысында Бибігүл Ахметқызы 70 жылдық мерейтойына Астанадан 4 бөлмелі пәтер сыйлаған елбасыға алғысын жеткізді.

Жіберіп алмаңыз:

Айару Бақытбек еліміздің ең танымал жұлдыздарымен шетелде демалатынын айтып мақтанды

Айдарбекова екінші ұлы мен төрт немересін жұлдызға айналдыруды қолға алды

“Қалаулым” шоуын әзілге айналдырған Нұржан Төлендиев жұртты күлкіге қарық қылды (видео)

Гүлзира Айдарбекова келінімен мінсіз қарым-қатынасты қалай орнатқанын айтып берді

Талқылау