Маңғыстауда теңіз жағасынан 40 итбалықтың өлексесі табылған
Әлеуметтік желіде итбалықтардың өлген өлекселерінің видеосы тарап жатыр. Кадрларда көздері зақымдалған бірнеше итбалық теңіз жағасында жатыр. Маңғыстау облысы бойынша балық шаруашылығы инспекциясы басшысының міндетін атқарушы Андрей Руцкий соңғы үш күнде ауа райының күрт құбылуына байланысты арнайы комиссия жағалауды тексеріп жатқанын айтты. Бұл туралы Stan.kz ақпарат агенттігі Lada.kz сайтына сілтеме жасап хабарлайды.
Видеодан скриншот
29 наурызда Түпқараған ауданындағы Урдюк мүйісі мен Баутинская шұңқырының аралығындағы жағалаудан 40 итбалық өлексесі табылды.
Мамандардың тексерісі кезінде олардан дене жарақаттары, жаралар немесе зорлық-зомбылықпен өлім белгілері табылмаған.
"Дауылдан кейін мамандар өлекселерді іздеу үшін үнемі теңіз жағалауын аңдып отырды. Олар басқа жерде өлген, себептерін медициналық сараптама анықтайды. Өлгеннен кейін көздері зақымдалған болуы мүмкін. Оларды құстар жұлып алады", – деді Андрей Руцкий.
Еске салсақ, бұған дейін ғалымдар Каспийдегі итбалық популяциясының апатты жағдайда екенін айтып, дабыл қаққан еді.
Талқылау
"Күйеуімді қазақша Дарын деп атайды": Ағылшын азаматына тұрмысқа шыққан қазақ қызы оқиғасын бөлісті
Даррен Чандлер: "Қазақ тілін әйелімнің тілі болғандықтан жақсы көремін"
“Келін қылып алатын қыз”: Желіде қазақша ән айтқан португалиялық ару қазақстандықтарды тәнті етті
Лара: "Қазақтар өте-өте талантты халық”