МӘМС бойынша аударым мөлшерлемесін өзгерту туралы заң жобасы қыркүйек айының соңына дейін Парламентте қаралады
Премьер-министрдің орынбасары Тамара Дүйсенова әлеуметтік медициналық сақтандыру қорына аударымдар туралы заң жобасы қыркүйек айының соңына дейін дайындалатынын айтты. Бұл туралы Stan.kz ақпарат агенттігі хабарлайды.
Фото: gepatit-abc.ru
Құжатқа сәйкес, кепілдендірілген базалық және сақтандыру пакетінен тұратын медициналық көмектің бірыңғай пакетін қалыптастыру жоспарланып отыр.
"Бұл ретте қалыптасып жатқан пакет тиісті деңгейде қаржыландыруды талап етеді. Осыған байланысты жобада жүйенің қаржылық тұрақтылығын қамтамасыз ету шаралары да қарастырылады. Бұл жергілікті бюджет қаражаты есебінен тіркелген жұмыссыздарға жарна төлеуге және Медициналық сақтандыру қорына жарналардың жоғарғы шекті және мөлшерлемелері бөлігінде жүйе параметрлерін өзгертуге қатысты", – деді Дүйсенова.
Фото: Үкіметте ұсынылған слайдтан
Денсаулық сақтау министрлігі заң жобасын дайындап қойған. Олар оны қыркүйектің соңына дейін парламентке ұсынуды жоспарлап отыр. Дүйсенованың сөзінше, құжат мақұлданса, жыл соңына дейін қабылдануы мүмкін.
Айта кетейік, 2024 жыл басында Денсаулық сақтау министрлігі міндетті әлеуметтік медициналық сақтандыру аударымдарын есептеу үшін қабылданатын ай сайынғы табыстың жоғарғы шегін бес есе ұлғайтуды ұсынған еді. Министрлік 2025 жылдан бастап ең төменгі жалақының 50 еселенген жарнаның жоғарғы шегін белгілеуді ұсынған. Шекті мөлшерлеме айлық табысы 850 мың теңгеден асатын азаматтарға ғана қатысты болмақ. Бұл елдегі жалпы жұмысшылардың 9 пайызы. Алайда қоғамдық талқылау кезінде бұл құжат қазақстандықтар арасында түрлі пікір туғызған еді.