Мамырдағы инфляция 11,3% болды: Қазақстанда қандай өнімдер қымбаттады

Фото: Дмитрий Рогулин / "Городские вести"

2025 жылдың мамыр айында Қазақстандағы инфляция өткен жылдың сәйкес кезеңімен салыстырғанда 11,3% болды. Бұл туралы Stan.kz ақпарат агенттігі хабарлайды.

Ұлттық статистика бюросының мәліметінше, мамыр айында баға сәуірдегі 1,2%-ға қарсы 0,9%-ға өсті. Ақылы қызметтердің құны 1,3% жоғарылады. Ал азық-түлік тауарлары 0,9%, азық-түлік емес тауарлар 0,6% қымбаттады.

Мына тауарлардың бағасы өскені анықталды:

• лимон – 9,1%;
• алма – 6,1%;
• алмұрт – 5,2%;
• жүзім – 5,1%;
• неке алтын сақинасы – 4,6%;
• құрылыс материалдары – 1,1%;
• киім және аяқкиім, жеке тауарлар – 0,8%.

Тарифтер де өсті:

• суық су – 4,2%;
• кәріз жүйесі – 1,6%;
• тарату желілері арқылы тасымалданатын газ – 1,5%;
• электр энергиясы – 1,4%.

Темір жол көлігінің қызметі 2,1%, санаторийлер 2% өсті.

• Әлемде 186 елдің ішінде бір мемлекет қана өз азаматтарын азық-түлікпен толық қамтамасыз ете алады – Зерттеушілер

Бағаның төмендеуі мына тауарлардан байқалды:

• қияр – 37,1%;
• қызанақ – 19,8%;
• қырыққабат – 7,7%;
• банан – 5,7%;
• жұмыртқа – 2,4%.

Ең төменгі айлық инфляция Қарағанды ​​облысында – 0,2%, одан кейін 0,3% көрсеткішпен Астана қаласында, сосын Ақмола, Алматы, Маңғыстау, Түркістан, Ұлытау облыстарында – 0,6% тіркелді. 

Өткен жылдың сәйкес кезеңімен салыстырғанда Қазақстанда шаштараз және сұлулық салоны қызметтері 14,6%-ға, санаториялық-курорттық қызмет 14,4%-ға қымбаттады. Сондай-ақ ноутбуктер 46,5%-ға, алтын неке сақиналары 35,6%-ға, планшеттер 31,9%-ға қымбаттады.

Айта кетейік, бұған дейін Қазақстанда криптовалютаға азық-түлік алып, қызмет төлеуге жағдай жасалатыны туралы жазған едік.