Мадридтік “Реалдың” жұлдызды футболшысы үшін маусым ерте аяқталды
Мадридтік "Реалдың" шабуылшысы Родриго Гоес үшін маусым аяқталды. Бұл туралы Stan.kz ақпарат агенттігі хабарлайды.
Футболшы "Хетафеге" қарсы өткен матчта жарақат алған. Мадрид ауруханасында тексерілгенде 25 жастағы бразилиялыққа оң аяғындағы алдыңғы крест тәрізді байламның және бүйір менискінің жыртылуы диагнозы қойылды.
Жарақаттан қалпына келу мерзімі ресми түрде айтылмағанымен, Родриго ағымдағы маусымның қалған бөлігіне қатыса алмайды.
Сонымен қатар, ол төрт жылда бір өтетін әлем чемпионатына да қатысу мүмкіндігінен айырылуы ықтимал.
Себебі мұндай жарақат кемінде алты айда жазылады. Осы маусымда футболшы барлық турнирлерде 27 ойын өткізіп, 3 гол соғып, 6 нәтижелі пас берген.
Родриго 2019 жылы "Реал" сапына қосылған. Сол уақыттан бері ол 219 матчқа шығып, 71 гол соққан.
Сонымен қатар, клубпен бірге екі рет Чемпиондар лигасын жеңген.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды