Құны 1,4 млрд теңге: Елордада алтын унитазы бар зәулім үй сатылып жатыр
Елордада ішінде алтын унитазы бар зәулім үй сатылымға шығарылды. Сегіз бөлмеден тұратын баспананың құны 1,4 миллиард теңгеге бағаланған, деп хабарлайды Stan.kz ақпарат агенттігі Krisha.kz сайтына сілтеме жасап.
Хабарландыруда көрсетілгендей, зәулім үй 2015 жылы салынған екен.
Үйдің аумағы 1 200 шаршы метрді құрайды. Баспананың бір ғана асүйінің аумағының өзі 40 шаршы метр болады екен.
1,4 миллиард теңгеге бағаланған үйдің өз саунасы мен бассейні бар.
Хабарландыруда көрсетілген суреттерге қарағанда, үйдің ішінде кемінде 4 санитарлық бөлме бар. Олардың бірінде алтын немесе алтын жалатылған унитаз орнатылыпты. Дәл осы сурет аталған сайт редакциясының назарын аударған.
Суреттерге қарағанда, иесі үйдің интерьерін венециялық стильде жасағысы келген сыңайлы. Себебі сән-салтанатты үйге көлемді люстралар ілініп, тіреуіштер орнатылған. Сонымен қатар барлық дерлік бөлменің интерьері алтын түспен көркемделіпті.
Талқылау
"Насыбай секілді жиіркенішті заттардың қалдықтары жатыр": Сайран жағалауын қоқыстан тазартқан жігіт желіде мақтау жинады
Алматы әкімдігі Сайранда су қоймасы мен оның маңын тазарту бойынша сенбілік өтетін айтты
"Мүгедектер мен аурулар саны артып келеді": Бір аптадан бері түтінге тұншығып отырған атыраулықтар дабыл қақты
Адамдар жүйке жүйесіне әсер ететін улы зат – күкіртсутекпен уланып жатыр