"Күйеулерің ашуланса, үндемеңдер": Төреғали Төреәлінің анасы жас отбасыларға кеңес берді

Фото: https://vk.com/albums-87539731

Танымал хитмен Төреғали Төреәлінің анасы Аягөз ханым ел алдына шығып, жас отбасыларға кеңес берді. Бұл туралы Stan.kz ақпарат агенттігі хабарлайды. 

Өнер иесінің анасынан қызы Фариза Төреәлі сұхбат алды. 

“Бір күн ұрыс болса, үйіңізден қырық күн береке кетеді. Сол себепті әйел адам конфликтіден ұрыспаудың амалын жасауы керек. Біздің отбасымызда сенің әкең қатты кетіп жатса, мен үндемей қаламын. Үнемі ондай біз гармонияда өмір сүреміз, кереметпіз деп айта алмаймын. Ол әрбір отбасында болатын дүние. Өзіңді жерге ұрғандық емес. Өзіңнің отбасыңның құндылығы ғой. Жас қыз-келіншектерге айтарым: отбасы болғаннан кейін ондай ұрыс-керіс болып тұрады. Қазан-ошақ сылдырламай тұрмайды, деп айтып жатады ғой. Ашуланды ма күйеулерің үндемей тұра тұрыңдаршы. 10-15 минут үндемей отырыңдар. Нәтижесін көресіңдер", – деді Төреғали Төреәлінің анасы.

• "Америкадағы оқу не болды": Төреғали Төреәлінің қарындасы діни ұстаз атанбақ

• "Үш жылда – 3 бала": Дина Төреәлі жүктілігін жариялаймын деп қызу талқыға түсті

Одан кейін анасының сөзін блогер Фариза толықтырды. 

Әйел адам еркелесе жеңеді. Ұрыс пен жанжал сен қалаған нәтижеге алып келмейді. Керісінше, сенің денсаулығыңды ұрлайды, жүйкеңді жұқартады. Әйелдің даналығы –  еркелігінде, қулығында!”, – деді блогер. 

Еске салайық, Фариза Төреәлі ата-енесіне ерекше сыйлық жасап, қызу талқыға түскен еді.