"Біріншіден, қарулы күштер мерзімді әскери қызмет арқылы азаматтарды базалық дайындықтан өткізіп, қайтадан запасқа шығарып отырады. Ел тәуелсіздігіне қауіп төнсе, кім қарсы шығады? Екіншіден, әрине келісімшарттық армия жақсы, бірақ ол елдің бюджетіне зиянын тигізеді", – деді Жазықбаев.

"Пәтер мен 5 миллион теңге ұсынды": Алматыда қаза тапқан сарбаздың анасы әскерилердің істі жасыру үшін қандай қулыққа барғанын айтты

"Әжесіне қарайтын адам болмаған": Әскери қызметтен келісімшарт мерзімінен бұрын шыққандар қызметке орналаса алмай жүр

Жазықбаевтың сөзінше, мерзімді әскери қызметке келіп жатқандардың бәрін әлсіз деуге келмейді.

"Барлығына топырақ шаша алмаймыз. Қазіргі балалардың өмір салты бәрімізге белгілі. Смартфон мен гаджетке байланған. Балалардың әскерге дейінгі физикалық дайындығы мұқият қарауды талап етеді", – деді Жазықбаев.

Қорғаныс министрінің орынбасарын Мәжіліс депутаты Константин Авершин қолдады.

"Әскери қызметтің басты міндеті – қаруды қолдануды және казармалық жағдайда өмір сүруді үйрету екенін ұмытпау керек. Бізде бар болғаны 20 миллион адам бар. Ал еліміз өте бай әрі үлкен. Сондықтан мүмкіндігіншеір адам өз Отанын қолына қару алып қорғауы керек. Екінші мәселе: толық кәсіби армияны ұстауға қазір бюджет жеткіліксіз", – деді депутат.

Айта кетейік, бұған дейін Қазақстанда Қазақстанда міндетті әскери қызметті жою туралы петиция пайда болған еді. Ол әскери қызметкерлердің қазасына қатысты қайғылы оқиғалар аясында жасалып, Қорғаныс министрлігіне жолданған.

Петиция авторларының сөзінше, әскерде болып жатқан қайғылы оқиғалар қазіргі әскери қызмет жүйесіндегі елеулі олқылықтарды көрсететінін айтқан.

Талқылау