Қолы жоқ жігіт тағдырға қарсы тұрып, атақты суретші болды (фото, видео)
25 жастағы Мариуш Кедзерский адам нені қаласа, оған қол жеткізуге қабілетінің жететінін бәріне дәлелдеп берді. Әдемі суреттер салып, дүние жүзін аралап, тіпті YouTube арнасында арнайы каналды басқаратын жігіт өзінің асқақ арманына қол жеткізді.
Бұл туралы Stan.kz ақпараттық агенттігі хабарлайды.
Талантты суретшінің картиналарын әлемнің барлық бөліктерінен кездестіруге болады. Жас жігіт Польша, Австрия, Ұлыбритания, Германия және Түркиядағы көрмеге қатысты. Тіпті қарапайым суретші үшін де бұл үлкен жетістік болмақ. Бірақ Мариуш барлық жетістікке қолсыз жетті. Жас суретші дүниеге келгенде бір қолының жартысы, ал екінші қолы білегіне дейін ғана болған. Бірақ, мүгедектік оның толыққанды өмір сүруіне еш кедергі келтірмеді.
Әрқашан көңілді жүретін суретші жай ғана суреттер салып қоймайды, ол оны гиперреализм жанрында бейнелейді. Ал бұл өнер үлкен мұқияттылық пен әр затқа деген егжей-тегжейлі назарды талап етеді. Оның туындылары барша жұтшылықты таңғалдыруда. Бүгінде әлемге танылған суретшінің Мэрилин Монро, Грейс Келли, Джонни Депп және кәрі әжейді бейнелеген картиналарының бәрі өте әдемі салынған.
Суретшінің асқақ арманы, Нью-Йоркте жеке көрме кешін өткізу болған екен. Тағдыр осындай төзімділікке қарсы тұра алмады. Арманына қол жеткізген жігіттің картиналарын енді Үлкен алмадағы Caelum Gallery галереясынан көруге болады. Сондай-ақ, табандылығының арқасында жетістікке жеткен суретшінің жеке сайты және Facebook-та арнайы парақшасы бар. Онда оның парақшасына шамамен 72 мың адам тіркелген.
«Мен оған қараған кезде, тынысым тоқтап қалады. Сіздің жұмыстарыңыз таза, әдемі және жарқырап тұрады. Олар сіздің жан дүниеңіздің айнасы іспетті. Сен суретші болу үшін туылғансың және саған ештеңе кедергі келтірмейді»,-деп пікір жазған желі қолданушылар.
Тағы оқыңыз:
Якутияда бір жарым жасар бүлдіршін кір жуғыш машинаға құлап, қайтыс болды
ОҚО-да тауға шығып, өздігінен түсе алмаған екі студент аман-есен құтқарылды