Көліктің техникалық жарамдылығына кепіл беретін бір жапырақ қағазды қалда орналасқан қарапайым дүңгіршіктерден сатып ала салуға болады екен. Ол үшін көлікті тексертудің қажеті де жоқ екен. Ал техникалық бақылаудан өткен туралы талонға үйден шықпай-ақ қол жеткізуге болады екен, ол үшін ұялы телефон арқылы тапсырыс бере салсаңыз болғаны.

«Менің қолымдағы техникалық бақылаудан өткен туралы қағазды жасау үшін, автокөліктің техникалық төлқұжатын суретке түсіріп алды. Бірнеше сағаттан соң менің құжатым дайын болды», - дейді жеңіл көлік иесі Юлия Миронова.

Қазақстанда техникалық бақылаудан өткен туралы қағазды әрбір екінші көлікті бақылаудан өткізетін орталықтан, темір тұлпарды тексерістен өткізбей-ақ алуға болатын көрінеді. Сәйкесінше, бұл жерге келушілерден көлік нөмірін дәлелдеу талап етілмейді.

Осы мәселені түзету үшін шілде айында жаңа заңға қол қойылған болатын. Ол бойынша техникалық бақылаудың барлық шарттары, атап айтсақ, көлікті суретке түсіруден бастап, нөмірді тіркеуге дейінгі барлық сатылары тұтастай автоматтандырылған болуы міндетті екен. Еліміздегі бес ресми жеткізушілердің тек үшеуі ғана техникалық бақылау қызметін заң бойынша жаңартыпты.

«Қазіргі таңда 160 техникалық бақылаудан өткізетін орталық «Техникалық бақылау» атты жүйеден шығарылған. Ол 160 мекеменің арасында тұрғындардың ықыласына бөленгендер тағы бар», - деді ҚР-ның индустрия және инфрақұрылымдық даму министрлігінің транспорт комитетінің төрағасы Данияр Қоспаев.

Техникалық бақылау орталығының басшыларының бірі Вера Белякова жартылай автоматтандырылған жүйені қолданса да, орталыққа келген көліктерді жіті тексерістен өткізген. Ал көлігін тексерістен өткізгісі келмей жай ғана қағаз жазып бере салуды сұрайтын жүргізушілерге ол қарсылықпен жауап беретін көрінеді. Себебі ол 30 жылдық тәжірибесі бар автокөлік иесі ретінде тексеріссіз құжат алдағы уақытта қандай мәселелерге әкеп соғуы мүмкін екендігін біледі.
«Мұндай құжат беру біз үшін жат дүние. Себебі ол көлік жүргізушінің өзіне де, басқаларына да өз зиянын тигізуі мүмкін», - дейді Вера Белякова.
Сөзінше, клиенттерден айырылып немесе өз орталығының жауып тастамас үшін ол дереу басқа мекемеден жаңа бағдарламалық қосымшаны сатып алған. Аталған мекеме бұл ұондырғына екі есе бағамен сатыпты. Бұл жағдай автокөлік жүргізушілеріне де, техикалық бақылау жүргізетін орталықтарға да біраз қиыншылықтар тудырған көрінеді.

Заңсыз құжат жазып берумен айналысатын орталықтарды анықтау рейд барысында ғана анықталады екен. Сондықтан билік өкілдері көлік жүргізушілеріне мұндай орталықтар жайында айтып отыруды ескеріп отыр. Мысалы, көлігінен не автобустан қара түтін шығарып келе жатқандығын байқасаңыз, ол жайында қала әкімдігінің қызметіне қоңырау шалсаңыз болады. Ал сіз айтқан нөмірдің иесі тексеріліп, көлігіен техникалық бақылаудан өткізуге міндетті болады.

Талқылау