Көлікте шылым шекпеуді өтінген: Алматыда такси жүргізушісін ұрған ер адам ұсталды
Видеодан скрин
Алматыда такси жүргізушісін ұрған ер адам ұсталды. Бұл туралы Stan.kz ақпарат агенттігі хабарлайды.
Бұған дейін желіде ер адамның көлікте шылым шекпеуді өтінген такси жүргізушісін ұрып, балағаттағаны түсірілген видео тараған еді. Видеоға қатысты Алматы қалалық полициясы жедел іздестіру шараларын жүргізген.
Іздестіру жұмыстарының нәтижесінде 19 жастағы такси жүргізушісін ұрып-соқты деген күдікпен 32 жастағы ер адам анықталып, ұсталған.
“Күдікті полицияға жеткізілді. Қазір тергеу амалдары жүргізіліп жатыр. Күдікті өз кінәсін мойындады. Аталмыш жағдай бойынша қылмыстық іс қозғалды”, – делінген полиция хабарламасында.
Күдікті уақытша ұстау изоляторына қамалды.
Еске салсақ, бұған дейін Алматыда ер адам көлікте шылым шекпеуді өтінген такси жүргізушісін ұрып, балағаттағаны туралы жазған едік.
"Аяғыма оқ тиіп, кестіруге мәжбүр болдым": Сынаққа сынбаған Паралимпиада чепионы Ербол Хамитов жайлы не білеміз?
Ербол Хамитов Қазақстан тарихында Паралимпиада ойындарында топ жарған алғашқы спортшы атанды
"Авиаотын бағасын көтеріп, қауіпсіздік талабын орындамау": Қазақстандық әуежайларға неге жаппай айыппұл салынды
Көптеген әуежай авиаотынды монополиялық жоғары бағада сату арқылы миллиондаған табыс тапқан