Көкшетауда үш баланың анасы ауылдан келген қызды жезөкшелікке итермелеген
Көкшетау тұрғыны пәтерінде қыз ұстап, оны сексуальдық қызмет ұсынуға мәжбүр еткен.
Сурет today.kz
Бұл туралы Қазақстан Жаңалықтары хабарлайды.
2015 жылдың қазан айында 1981 жылы туған әйел ауылдан келген таныс қызға, өзінің досымен жыныстық қатынасқа түсуді ұсынады. Алайда қыз қарсылық білдіреді. Мұнысы ашуына тиген әйел қыздың құжаттарын, ұялы телефонын тартып алып, әбден есінен танғанша ұрғылайды. Келісімін бермегенінен қырсығып, күштеп пәтерінде ұстаған.
Мас болып қалған қожайын ұйықтаған кезде, зардап шегуші қыз ұялы телефонын алып анасына қоңырау шалады. Таңертең пәтерге полиция сау ете түседі. Сараптама көрсеткендей, қыздың денесінде жарақаттар болған.
Көкшетау қалалық соты әйелді ҚР ҚК 126 бабы бойынша айыпты деп тапты. Бұрын да сотталған әйел 5 жылға бас бостандығынан айырылып жазасын жалпы режимдегі колонияда өтейтін болды. Сотталушының үш баласы әлеуметтік қызмет өкілдігіне берілді.
Үкім әлі заңды күшіне енген жоқ. Сотталушы Ақмола облыстық сотына қайта шағым түсірді.