Қоқыс үйіндісі, көгеріп кеткен ыдыс-аяқтар: Алматыдағы мектеп асханасы ата-аналарды шошытты
Видеодан скриншот
Алматыдағы №65 мектеп-гимназиясы оқушыларының ата-аналары мектеп асханасындағы антисанитариялық жағдайға шағымданды. Қалалық білім бөлімінің қызметкерлері мектепте тексеріс жүргізді. Бұл туралы Stan.kz ақпарат агенттігі хабарлайды.
Ата-ана мектеп асханасынан лас ыдыс-аяқтарды, қабырғалардағы көгеру мен қоқыс төгілген видео мен фотоларды жариялады.
"Азық-түлік элеваторына ерекше назар аудару керек — оны мақсатты пайдаланудың орнына қоқыс үйіндісіне айналдырған. Оның астында қалдық тамақтар жатыр, маңайында көгерген ыдыс-аяқтар және басқа да айқын антисанитариялық жағдайдың белгілері бар", – деп жазды автор.
Ата-аналар прокуратура мен санитарлық-эпидемиологиялық қызметке хабарласып, мектеп асханасын басқаратын жеке кәсіпкердің қызметін тексеруді сұраған.
Алматы қалалық білім басқармасы ашуға булыққан ата-аналарға жауап берді.
"№65 мектеп-гимназиясының директоры мектептегі ішкі бақылауды әлсіреткені үшін Еңбек кодексіне сәйкес тәртіптік жазаға тартылды", – делінген хабарламада.
Сондай-ақ білім бөлімі бұл мәселе бойынша аудандық санэпидстанцияға хабарланғанын, жеткізушіге тиісті шара қолданылатынын түсіндірді.
"Баласы бар әйелге міндет арту – сауатсыздық": Қазақстандықтар сәбиі бар үйге қонаққа баратындарды сынады
