"Қызыл қағаз көрсеткені үшін": Алматыда матч кезінде төреші соққыға жығылды (видео)

Алматыда "Pioneer" және "Eric-Son" командалары арасындағы әуесқой J-League футбол матчынан кейін бас төрешіге шабуыл жасалды. Бұл туралы Stan.kz ақпарат агенттігі хабарлайды. 

Фото: Видеодан скрин

Әлеуметтік желіде оқиғаның видеосы тарады. Төреші Игорь Карповтың миы шайқалып, көптеген жарақат алғаны хабарланды.

"Куәгерлердің айтуынша, төреші ойыншылардың біріне қызыл қағаз көрсеткен. Бірақ олар келіспей, көпшілік оған шабуыл жасаған", – деп жазды басылым.

• "Жетісу" футбол клубының спорт директоры 5,5 миллион теңге жымқырғаны үшін сотталды

• "Ақтөбе ФК-ға 900 мың еуро бөлген": Спорт журналисі Барменқұлов басқаратын Қазақстан футбол федерациясының жұмысына күмән келтірді

Футбол лигасының Telegram-парақшасында хабарланғандай, оқиғадан кейін тәртіптік комитет "Pioneer" командасын матч төрешісіне шабуыл жасағаны үшін турнирден шығару туралы шешім қабылдады. 

Сондай-ақ команданың үш ойыншысы OFL-J-LIGA аясындағы барлық турнирге өмір бойына қатысудан шеттетілді.

Айта кетейік, бұған дейін Ресейде жасөспірімдер бокс жаттықтырушысын шәкірттеріне қарсы шыққаны үшін соққыға жыққаны туралы жазған едік.