Қытай мен АҚШ президенттердің кездесуіне дейін сауда келісімінің "негізгі шарттары" бойынша келісімге келді
Фото: AP
АҚШ пен Қытай алдын ала сауда келісімінің шарттарын мақұлдады. Дональд Трамп пен Си Цзиньпин бейсенбі күні Оңтүстік Кореяда өтетін кездесуде келісімді нақтыламақ Бұл туралы Stan.kz ақпарат агенттігі Euronews порталына сілтеме жасап хабарлайды.
Келісім туралы шешім Куала-Лумпурда өткен Оңтүстік-Шығыс Азия елдері қауымдастығының (АСЕАН) саммиті барысында қабылданды. АҚШ президенті Дональд Трамп пен Қытай төрағасы Си Цзиньпин бейсенбі күні Оңтүстік Кореяда өтетін кездесуде келісімді нақтыламақ. Бұл сапар Трамптың Азиядағы турының соңғы аялдамасы болмақ.
Сапардың мақсаты – инвестициялық келісімдерді дамыту және бейбіт бастамаларды қолдау. Трамп Малайзиядан кейін Жапония мен Оңтүстік Кореяға барады.
Қазіргі кезде әлемнің екі ең ірі экономикасы арасында шиеленіс жоғары деңгейде қалып отыр. Жуырда Қытай алдыңғы қатарлы технологиялар үшін қажет сирек металдардың экспортына қатаң шектеулер енгізуді жоспарлаған еді.
Бұған жауап ретінде Трамп Қытай импортына қосымша тарифтер салатынын ескертті.
АҚШ Қаржы министрі Скотт Бессент бұл келісімді "өте табысты" деп атап, ол іске асса, Трамп енгізген тарифтер 1 қарашадан бастап алынып тасталуы, ал Қытай өз шектеулерін бір жылға шегеруі мүмкін екенін айтты.
Трамп сондай-ақ келісімге қол қою жақын екенін айтып, "Қытай да, АҚШ та мәмілеге келгісі келеді" деп мәлімдеді. Ол болашақта Қытайға баруды жоспарлап отырғанын айтып, Си Цзиньпинге Вашингтонға немесе Флоридадағы жеке клубы Мар-а-Лагоға келуді ұсынды.
Республика күнінің маңызы не, мерекені не себепті қайтарды – Саясаттанушылар жауап берді
