Қытай билігі Қайрат Нұртасқа кейбір әндерін орындауға рұқсат бермеді

Танымал әнші Қайрат Нұртас Қытай еліне гастролдік сапармен барды. Бұл туралы Stan.kz ақпарат агенттігі хабарлайды. 

Фото: Жеке парақшадан алынды

Өнер иесінің концерті қалай өткенін продюсері, анасы Гүлзира Үсенқызы айтып берді. 

Арт-директордың сөзінше, қытайлық билік әншіге “Ауырмайды жүрек” атты танымал әнін орындауға рұқсат бермеген. 

“Егер тексеруден өтпеген әндер айтылып, фонограммамен кетсе, концертті тоқтатып, ұйымдастырушыға қомақты айыппұл салынады. Біздің алдымызда 2-3 әншінің концертін солай тоқтатқан екен. Әрбір әннің сөзін тексеріп, ұйғыр халқының қатты күткен “Ауырмайды жүрек” және тағы 3-4 әнді орындауға рұқсат бермеді. Жанды дауыста айтылу жағы да тексерілді”, – деді продюсер. 

• "Тегін де барамын": Гүлзира Айдарбекова тойға шығатын қаламақысын жариялады

• "Дінге бет бұрып кетті": Гүлзира Айдарбекова әнші Сырым Исабаевқа қатысты шындықты айтты

Сондай-ақ өнер иесі қытайлық тыңдарманға рақмет айтып, ықыластарына алғыс білдірді. 

“Тыңдарман қауым бізді күтіп, таңғы 4-ке дейін мейрамхананың алдында отырды. Өте керемет қарсы алды. Не деген ниеті түзу адамдар деп таңғалып отырмын”, – деп жазды Гүлзира Үсенқызы. 

Еске салайық, Гүлзира Айдарбекова ұлы Қайрат Нұртасты 8 жасынан бастап сахнаға алып шыққанын айтқан еді.