Бұл АҚШ президенті Дональд Трамптың Қытайдың барлық өнімдеріне баж салығын енгізу туралы шешіміне берілген жауап болды. Осылайша, де-факто Пекин Вашингтонмен сауда соғысы басталғанын мәлімдеді. Сондай-ақ арадағы қайшылықтарды келіссөздер арқылы шешуден бас тартқанын хабарлады.

Трамп Қазақстан тауарлары үшін баж салығын көтерді: Сауда министрлігі жаңа тарифтың экспортқа айтарлықтай әсері жоқ екенін айтты

"Біз жіберетін шикізат салықтан босатылған": Трамп енгізген баж салығының Қазақстанға ықпалы қандай

Қытай Трамптың басты нысандарының біріне айналды. Дегенмен әлем елдерінің басым көпшілігі, әсіресе АҚШ-тың Ұлыбритания, Жапония және Оңтүстік Корея сынды негізгі одақтастары да баж салығына ұшырады.

АҚШ президентінің сөзінше, тарифтер сауда теңгерімсіздігін жоюға көмектеседі. Алайда сарапшылар Трамп жариялаған тариф әлемдік өсімге зиянын тигізіп, жаһандық дағдарысқа әкелуі мүмкін дейді. Сондай-ақ ұзақ мерзімді перспективада америкалық экономика басқа елдерге қарағанда тарифтерден көбірек зардап шегетінін айтты. Олардың сөзінше, Қытай бәсекелесінің оқшаулануын пайдаланып, жаңа әлемдік көшбасшыға айналады.

Айта кетейік, бұған дейін АҚШ президенті Дональд Трамп Ақүйде өткен баспасөз мәслихатында 180-нен астам елге жаңа сауда тарифтерін енгізетінін мәлімдеген еді. Ол Қазақстан тауарларына баж салығын 27%-ға көтерген.

Талқылау