Қырғызстанда парламенттің мерзімінен бұрын сайлауы өтті: Тоқаев Садыр Жапаровты сайлауының табысты өтуімен құттықтады

Фото: Depositphotos.com

Қырғызстанда 1 желтоқсаннан бастап Жогорку Кенеш депутаттарының мерзімінен бұрын сайлауы өтті. Бұл туралы Stan.kz ақпарат агенттігі хабарлайды. 

Сайлау 2492 учаскеде және 27 уақытша дауыс беру орындарында өткізілді. Шетелде тағы 100 учаске ашылды.

Сайлау жаңа жүйе бойынша ел 30 округке бөлінді, әр округтен 3 депутат сайланады.  Оның ішінде кемінде бір әйел болады. Центризбиркомға 467 кандидат тіркелген. Дауыс берушілердің жалпы саны – 4,29 миллион адам.

Сарапшылардың пікірінше, парламенттің өзін-өзі таратуы – президент сайлауына кедергі келтірмеу мақсатында жасалған ресми себеп. 

Фото: Ақорда

Кейін ел президенті Қасым-Жомарт Тоқаев Садыр Жапаровты Қырғыз Республикасы Жогорку Кенеші сайлауының табысты өтуімен құттықтады. Мемлекет басшысы бұл айтулы саяси оқиғаның нәтижесі Қырғызстанды одан әрі дамыту жолындағы стратегиялық міндетті орындаудың батыл қадамы саналатынын атап өтті. 

“Парламент сайлауы Сіздің қуатты әрі өркендеген ел құру бағдарыңыз халықтың жаппай қолдауына ие болғанын көрсетті. Стратегиялық серіктестік пен одақтастық сипатындағы қазақ-қырғыз қатынастары қарқынды дамып келеді. Ғасырлардан тамыр тартатын достығымызға, тату көршілік байланысқа және өзара қолдауға арқа сүйей отырып, жетістіктерімізді еселей түсетінімізге әрі Қазақстан мен Қырғызстан арасындағы ынтымақтастықты жаңа деңгейге шығаратынымызға сенімдімін”, – деп жазды президент.