"Кезінде жүрегімді жаулап алған": Балжан Бидаш оралдық тыңдармандарымен қауышты

Танымал әнші Балжан Бидаш оралдықтарды қыркүйектің үшінші жексенбісінде тойланатын қала күнімен құттықтады. Бұл туралы Stan.kz ақпарат агенттігі хабарлайды. 

Фото: https://www.instagram.com/bidash_official/

Айта кетейік, эстрада жұлдызы Орал өңірінің тумасы, актер Жахан Отарғалиевпен бас қосып, кейін ажырасып кеткен еді. 

“Оралдықтар өз энергиясымен, талғампаз болмысымен, адекватты, білімді, керек кезде тік мінезімен кезінде жүрегімді жаулап алған. Бүгін де келіп, осы жердің тұрғындарына деген өзгеше махаббатымды тағы бір мәрте сезіндім. Рахмет, Орал!”, – деп жазды әнші. 

• "Ұрпағымды жалғастыратын адам жоқ": Жахан Отарғалиев жанына батқан дерті туралы айтып берді

• "Біздің бөлмеде болған оқиға": Жахан Отарғалиев алғаш рет ажырасу себебін айтты

Желі қолданушылары өнер иесінің Орал қаласының бұрынғы келіні екенін жарыса жазып жатыр. 

“Экс-келін” деген болмайды, сондықтан Оралға келін болып қала бересіз”, “Ерекше көңіл-күй сыйладыңыз”, “Жылы лебізіңізге рақмет”, “Балжан үшін бардым”, “12 жыл дегенде қала күніне бардым. Керемет концерт болды”, – деп жазып жатыр көпшілік. 

Еске салайық, "Назар аударта алмай жүрген жасөспірім қыз сияқты" деп Балжан Бидаштың жаңа образын тыңдарман қауым сынаған еді.