Халқымыз атом қаруын сынаудан қатты зардап шекті – Тоқаев ядролық сынақтар жайлы
Фото: t.me/aqorda_resmi
Мемлекет басшысы Қасым-Жомарт Тоқаев 29 тамыз – Ядролық сынақтарға қарсы халықаралық іс-қимыл күнінде Х әлеуметтік желісінде атаулы күнге қатысты үндеуін жариялады. Бұл туралы Stan.kz ақпарат агенттігі хабарлайды.
Президент бұл атаулы күнді БҰҰ Бас Ассамблеясы Қазақстанның бастамасымен бекіткенін еске салып, бейбітшілікті нығайтуға шақырды.
"Бүгін – Ядролық сынақтарға қарсы халықаралық іс-қимыл күні. Бұл атаулы күнді БҰҰ Бас Ассамблеясы Қазақстанның бастамасымен бекітті. Халқымыз атом қаруын сынаудан қатты зардап шекті. Мұндай қасірет қайталанбауға тиіс. Біз кейінгі ұрпақтың жарқын болашағы үшін бейбітшілікті нығайтып, халықаралық әріптестікті дамыта түсуіміз керек. Ядролық қарудан және сынақтардан біржола бас тартуға күш салуымыз қажет. Бейбітшілік пен қауіпсіздік – бүкіл адамзатқа ортақ ең басты құндылықтар", – деп жазды Қасым-Жомарт Тоқаев X желісіндегі парақшасында.
Талқылау
"Бағасы Еуропадан 10 есе төмен": Қазақстанға БАӘ, Ұлыбритания, Германиядан шетелдіктер медициналық көмек алуға келеді
Көптеген шетелдіктер кардиохирургия, онкология, стоматология мен чек-аптан өту үшін Қазақстанға келеді
"Жастар практикасы" арқылы жұмыс таптым": Қазақстандық колледж түлегі кілем фабрикасында еңбек жолын қалай бастағанын айтып берді
Бағдарламаға қатысушылардың басым бөлігі қыздар екен