"Қазарнаулыэкспорттың" экс-директоры әскери мақсаттағы өнімдерді сатып алуға бөлінген қаржыны жымқырды деген айыппен 11 жылға сотталды
Фото: Арман Рамазановтың Facebook парақшасынан
Қаржы мониторингі агенттігі Астанада мемлекеттік қорғаныс тапсырысы саласындағы қаражат жымқыру дерегі бойынша резонанстық істі қарау аяқталғанын мәлімдеді. Бұл туралы Stan.kz ақпарат агенттігі хабарлайды.
Агенттік 2023 жылы Қаржы мониторингі агенттігі "Қазарнаулыэкспорт" РМК-ның лауазымды тұлғалары мен теріс пиғылды жеткізушілер ұсталғанын еске салды. Лауазымды тұлғаларға әскери мақсаттағы өнімдерді сатып алуға бөлінген бюджет қаражатын жымқырды және сыбайлас жемқорлық деректері бойынша айып тағылған.
"Мемлекетке келтірілген залал 1,6 млрд теңгеден асты. Сот үкімімен "Қазарнаулыэкспорт" РМК бас директоры Рамазанов А.К. 11 жылға бас бостандығынан айырылды, ал кәсіпорынның департамент директоры Кудабаев А.Т. 10 жылға сотталды. Қалған 9 айыпталушы да әртүрлі мерзімге бас бостандығынан айырылды.
Сонымен қатар сот мемлекет пайдасына 1,6 млрд теңге көлеміндегі азаматтық талап-арызды қанағаттандырып, жалпы құны 607 млн теңге болатын мүлікті тәркіледі", – деп мәлімдеді агенттіктің ресми өкілі Ернар Тайжан.
Үкім заңды күшіне енген жоқ.
Әкімдік қаладағы ескі брусчаткалардың мұқтаж отбасыға берілгенін айтты: Алайда Боқаев төсеуіштің жеке қолға сатылып жатқанын түсіріп алған (видео)
