Қазақстанның қай қаласының тұрғындары киім мен косметикаға көп қаржы жұмсайды
Бірінші несие бюросының сарапшылары Қазақстанның қай қаласында тұрғындар киім-кешек, аяқ киім және жеке гигиена құралдарына көбірек ақша жұмсайтынын есептеп шығарды. Бұл туралы Stan.kz ақпарат агенттігі хабарлайды.
Биыл сәуір-маусым айларында Шымкентте жан басына шаққандағы киім-кешек, аяқ киім, маталар, әр түрлі жеке күтім мен гигиена құралдарына шамамен 36 400 теңге жұмсалды. Бұл көрсеткіш республика бойынша ең жоғары және республикалық көрсеткіштен 36 пайызға жоғары.
"Сонымен қатар Шымкенттегі орташа табысты жоғары деуге келмейді: жан басына шаққанда тоқсанына 267,5 мың теңге, бұл республика бойынша орташа деңгейден 26%-ға төмен. Демек, "сұлулыққа" жұмсалатын шығындар мұндағы табыстың бірден 14%-ын құрайды. Ал ел бойынша орта есеппен бұл көрсеткіш екі есе төмен", – дейді сарапшылар.
Шымкент тұрғындары 2025 жылы қаңтар, ақпан және наурыз айларында да осы бағыттағы абсолютті шығындар бойынша көш бастаған. Дәл осындай көрсеткіштер 2024 жылдың қорытындысында, сондай-ақ 2020–2023 жылдары да тіркелген.
2025 жылдың II тоқсанындағы алғашқы бестік:
Шымкент – 36,4 мың теңге;
Алматы – 35,3 мың теңге;
Қарағанды облысы – 32,8 мың теңге;
Ұлытау облысы – 31,2 мың теңге;
Астана – 30,1 мың теңге.
"Баласы бар әйелге міндет арту – сауатсыздық": Қазақстандықтар сәбиі бар үйге баратын қонаққа баратындарды сынады
