Қазақстанның енді ұлттық ЖИ-платформасын қытайлық 01.AI басқармақ
Қазақстанда наурыз айында қытайлық 01.AI компаниясымен бірлескен кәсіпорын құрылып, ол ұлттық жасанды интеллект платформасының операторы болады. Бұл туралы Stan.kz ақпарат агенттігі хабарлайды.
Қазақстанда наурыз айында қытайлық 01.AI компаниясымен бірлескен кәсіпорын құрылады. Үкімет отырысында Цифрлық даму, инновациялар және аэроғарыш өнеркәсібі министрі Жаслан Мәдиев оның Ұлттық жасанды интеллект платформасының операторы болатынын мәлімдеді.
Министрдің айтуынша, жасанды интеллектті мемлекеттік және квазимемлекеттік секторларда дамыту тетігі ретінде әлемдік деңгейдегі мамандармен серіктестік қарастырылған.
"Сіз Қасым-Жомарт Тоқаев қолдаған 01.AI компаниясымен бірлескен кәсіпорын құру бастамасы осы мақсатқа қызмет етеді", – деді Мәдиев.
01.AI компаниясын бұрын Google China басшысы болған Кай-Фу Ли құрған. Компанияның негізгі өнімі ашық үлгідегі Yi-34B жасанды интеллект моделі. Ол кеңінен танымал ChatGPT-ке балама ретінде қарастырылады.
Министрдің сөзінше, мұндай әріптестік Қазақстанға басқарушылық шешімдерді қабылдау тиімділігі мен жылдамдығын арттыратын ЖИ-агенттерді әзірлеу үшін озық технологияларға қол жеткізуге мүмкіндік береді.
Алайда, сарапшылардың пайымдауынша, бұл бастама бірлескен жаңа, егемен ЖИ моделін жасауға емес, 01.AI компаниясының қолданыстағы өнімін пайдалануға бағытталуы ықтимал.
- "Кім ойлап тапса, сол өзі төлесін": Тоқаев жасанды интеллект министріне ескерту жасады
- 2026 жылға арналған Ораза кестесі жарияланды
Еске салайық, бұған дейін мемлекет басшысы Қасым-Жомарт Тоқаев елдегі IT саласына көңілі толмайтынын айтып, жеке деректермен байланысты ұлттық мессенджер Aitu-ға көшіруді тапсырды. Кейін мемлекеттік қызметкерлер 15 қыркүйекке дейін Aitu сервисіне қосылуға міндеттелді.
"Оқушылар аттестатпен қатар, кәсіп алып шығады": Қазақстандық жігіт Таиландтағы мемлекеттік мектепте ағылшын тілінен сабақ береді
