Қазақстандағы ең ықпалды 50 бизнесменнің кім екені белгілі болды

Фото: Әлеуметтік желіден

Қазақстандық Forbes журналы елдегі ең ықпалды бизнесмендердің 2025 жылғы тізімін жариялады. Биылғы рейтингке банкирлер мен құрылыс саласының өкілдерімен қатар, жас технологиялық қаржы қызметіндегі кәсіпкерлер және қоғамдық жобаларға белсенді араласып жүрген ірі меценаттар енді. Тізімге Қайрат Боранбаев та қайта қосылды. Бұл туралы Stan.kz ақпарат агенттігі хабарлайды.

Рейтинг құрастырушыларының айтуынша, бұл дәстүрлі "ең бай адамдар" тізімінің баламасы емес. Мұнда мәселе тек ақшада емес, ел экономикасы мен қоғамына ықпал ету, үрдістерді басқару қабілетінде. Кейінгі жылдары қазақстандық бизнес экономика мен инвестиция шеңберінен шығып, өнер, спорт және әлеуметтік жобалар салаларына ден қоя бастады.

2025 жыл бірнеше жарқын бастамаларымен ерекшеленді. Нұрлан Смағұлов Қазақстандағы алғашқы заманауи өнер мұражайы – Almaty Museum of Arts-ты ашты. Рейтингке қайта енген Қайрат Боранбаев қазіргі заман мәдениеті орталығы Tselinny-ді таныстырды. Оның "Қайрат" футбол клубы тұңғыш рет УЕФА Чемпиондар лигасының негізгі кезеңіне өтті. Сарапшылар бұл оқиғаны қазақстандық футболдың жаңа белесі деп бағалады.

Айдын Рақымбаев "Дом мамы" қоры мен IQanat білім беру жобасының тәжірибесін Гарвард бизнес мектебіне енгізуге қол жеткізді және Арсен Томскиймен бірлесіп жаңа халықаралық бастамаларды әзірлеуде. Сайдулла Қожабаев (оның негізін қалаған Alageum Group-ты бүгінде ұлы Еркебұлан Ильясов басқарады, ол биыл ұлттық спорт түрлері қауымдастығының президенті болып сайланды), Қанат Көпбаев және Марат Жұман жеке капиталдарын ұлттық спорт түрлерін дамытуға бағыттап отыр. Бұрын бұл сала мемлекеттік қамқорлықта еді", – деп жазады Forbes.

Қазақстанның ең ықпалды кәсіпкерлерінің тізімін Болат Өтемұратов ашып тұр. Ол – Forte Bank-тің негізгі иесі, "КаР-Тел" телекоммуникациялық компаниясының бақылаушы пакеті мен Narxoz University-дің, бірнеше қонақүй мен жеке қайырымдылық қорының иесі. Сондай-ақ ол Қазақстан теннис федерациясын басқарады.

Екінші орында Kaspi Bank директорлар кеңесінің төрағасы, елдің ең бай кәсіпкері Вячеслав Ким. Үшінші орынға Нұрлан Смағұлов көтерілді. Ол Astana Motors-тың негізін қалаушы және иесі (оның басқа активтеріне MEGA сауда орталықтары желісі мен Mycar экожүйесі кіреді).

Бірінші ондыққа сонымен қатар Тимур Турлов (Freedom Holding Corp.), Тимур Құлыбаев (АЛМЭКС холдингтік тобы, Joint Resources және т.б.), Владимир Ким (KAZ Minerals Ltd, RBK Bank), Айдын Рақымбаев (BI Group), Шухрат Ибрагимов (ERG тобы), Андрей Лаврентьев (Аллюр, Агромашхолдинг KZ, Qarmet) және Кеңес Рақышев (Fincraft Group, Fincraft Resources, БТА Банк) енді.

Тізімдегі ерекше есімдердің бірі Қайрат Боранбаев, ол "Қайрат" клубының жетістігі арқасында бірден 20-орынға қайта көтерілді. Ал жалғыз жаңа қатысушы 42 жастағы Айғазы Құсайынов, International Educational Corporation Ltd иесі. Оның холдингі құрамына Қазақ бас сәулет-құрылыс академиясы (ҚазБСҚА), Қазақ-Америка университеті (КАУ), KazGASA және Digital College колледждері, KazGASA School, KAU School мектептері мен ашылуы жоспарланған Charterhouse Almaty халықаралық мектебі кіреді.

Рейтингтегі ең жасы үлкен кәсіпкер 76 жастағы Серікжан Сейітжанов (ФТПК "Оңтүстік"), ал ең жасы Тимур Турлов. Әйелдер арасынан тек бір ғана есім аталды Гаухар Қаппарова (38-орын, Lancaster Group).

Oracle компаниясының иесі Ларри Эллисон әлемдегі ең бай адамдар тізімінде Илон Маскты басып озды

Қазақстанда JLo және Backstreet Boys концерттерін ұйымдастырған компанияның негізін қалаушы турист ретінде ғарышқа аттанбақ

Еске салайық, бұған дейін әйел миллионерге тұрмысқа шығып, келесі күні 3 миллиард теңге мұраға ие болғанын жазған едік. Daily Mirror-дің хабарлауынша, Ирландияда 75 жастағы фермер-миллионер Джо Гроган өзінен 26 жас кіші күтушісі Лиза Флаэртиге үйленгеннен кейін бір күн өткенде қайтыс болды. 2023 жылдың қаңтарында Гроганға қан қатерлі ісігі диагнозы қойылған. 14 сәуірде ол күтушісімен жасырын некеге тұрады. Лиза Флаэрти фермердің жанында жарты күндік жұмыс істеген және олардың қарым-қатынасы мен үйленгенін марқұмның туыстары білмеген. Гроганның өлімінен кейін Флаэртиге 89 гектарлық, құны 5,5 миллион еуро (шамамен 3 миллиард теңге жуық) болатын ферма мұраға қалды.