Қазақстанның 95%-ы орыс тілінде сөйлейді – Дәурен Абаев
Еліміздің Ресейдегі елшісі Дәурен Абаев Қазақстан халқының 95%-ы орысша сөйлейтінін және оны мықты тұсы деп санайтынын жеткізді. Бұл туралы Stan.kz ақпарат агенттігі ТАСС басылымына сілтеме жасап хабарлайды.
Дәурен Абаев әрбір қазақстандықтың орыс тілін білетініне қуанышты екенін айтты.
"Менің ойымша, Қазақстанда халықтың 95%-ы орыс тілінде сөйлейді. Орыс тілін білу біздің күшіміз деп есептейміз. Әрине, елімізде мемлекеттік тіл қазақ тіліне басымдық беріледі. Оның рөлі жыл сайын артып келеді. Бірақ, еліміздегі әрбір адамның орыс тілін білетініне қуаныштымыз. Өйткені бұл біздің артықшылығымыз", – деді дипломат.
Абаевтың сөзінше, Қазақстандағы 7 мың мектептің шамамен 3 мыңында білім беру орыс тілінде жүргізіледі. Оның үстіне, барлық мектепте орыс тілін оқыту міндетті дейді ол.
"Орыс тілін Қазақстанда біздің бәсекеге қабілеттілігімізді арттыратын тіл деп санаймыз", – деді ол.
"Бәрі бір сәтте мәнсіз болып қалды": Таяу Шығыста қиын жағдайға тап болған қазақстандықтар көргендерін айтып берді
Назгүл Тұрысбекованың сөзінше, олар құжаттарын ғана алып, қауіпсіз жерге шығуға мәжбүр болған
Ормуз бұғазының жабылуы, мұнай бағасының өсуі: Таяу Шығыстағы соғыс Қазақстан экономикасына қалай әсер етеді
Қаржыгер Айбар Олжайдың айтуынша, Ормуз бұғазы ұзақ мерзімге жабылмайды