Персеида метеорлар жауыны: Қазақстандықтар жұлдыздар ағынын қашан тамашалай алады

Қазақстандықтар 11-13 тамыз аралығында Персеида метеорлар жауынын бақылай алады. Тек жазда болатын жұлдыздар ағыны баршаға көрінеді. Бұл туралы Stan.kz ақпарат агенттігі КТК арнасына сілтеме жасап хабарлайды.  

Фото: freepik

Оны Жердің солтүстік жарты шарының тұрғындары байқай алады. Бірден бірнеше ғарыш объектілері біздің планетамызға жақын ұшады. Атмосфераға енген кезде кометалардың ұсақ бөлшектері жанып, ерекше із қалдырады. Дәл осы сәт әдемі көріністерге толы болмақ. Жұлдыздар ағыныны 12 тамызға қараған түні өте көп болады. Дәл осы кезеңде жарқыраған метеорлардың саны 150-ге жетуі мүмкін. Аспанның бұл құбылысын өз көзіңізбен көру үшін астрофизиктер қала шамдарынан алыс жерде болуды ұсынады.

• “Қаупі жоғары": Ғалымдар Жерге ғарыштағы алып астероид жақындап келе жатқанын айтты

• Ғалымдар тіршілік белгісі болуы мүмкін ғаламшарды тапты 

“Ең кереметі, әрине, осы уақытта жарықсыз жерде болу керек. Барынша қаладан алыс жерге немесе қаланың жарықтандырылмаған аймағына барыңыз. Өйткені шамдар мен терезелердің жарығы метеорларды көруге кедергі келтіреді. Әрине, биік ғимараттар арасынан метеорлар көрінетін ашық аспан болмайтыны белгілі”, – деді астрофизик Виктор Тейфель.