Қазақстандық жеті кәсіпкер Forbes бойынша әлемнің ең бай адамдары қатарына кірді
Forbes әлемдегі ең бай адамдардың жаңартылған рейтингін жариялады. Тізімге жалпы байлығы 38,8 миллиард доллар болатын жеті қазақстандық бизнесмен енген. Бұл туралы Stan.kz ақпарат хабарлайды.
Kaspi акционері Вячеслав Ким қазақстандық миллиардерлер арасында бірінші орында қалды. Оның байлығы 7,1 миллиард долларға жетіп, әлемдік тізімде 464-орынға көтерілді (ол өткен жылы 511-орынға ие болған). Бір жыл ішінде оның капиталы 1,3 миллиардқа өсті.
Екінші орынды Kaspi-дің тағы бір акционері Михаил Ломтадзе иеленді. Оның таза байлығы 5,9 миллиард доллар және ол әлем бойынша 597-орында.
Freedom Holding иесі Тимур Турлов прогресс жасады. Оның байлығы екі есеге жуық өсті, яғни 3,3 миллиард доллардан 5,8 миллиард долларға дейін көбейген. Әлемдік рейтингте ол көптеген танымал кәсіпкерлерді басып озып, бірден 991-орыннан 605-орынға көтерілді.
Төртінші орында KAZ Minerals және Kazmys акционері Владимир Ким тұр. Өткен жылы оның байлығы 3,6 миллиард долларға бағаланса, қазір ол 5,7 миллиард долларға жетті. Тізімде ол 896-орыннан 620-орынға көтерілді.
Тимур мен Динара Құлыбаевтардың ақшасы азаймаса да, тізімде төменге түсті. Олардың әрқайсысында 5,3 миллиард доллар бар, бірақ олар әлемдік рейтингте 612-орыннан 673-орынға түсті.
Forbes рейтингінде қазақстандықтар арасында соңғы болып ForteBank акционері Болат Өтемұратов болды. Оның байлығы 1 миллиард долларға өсіп, 3,7 миллиард долларға жетті. Бұл оған 1238-орыннан 979-орынға көтерілуге мүмкіндік берді.
Бұған дейін әлемдегі ең бай адам анықталғанын жаздық.