Қазақстандық каратэші Мәскеуде өткен турнирде топ жарды
Каратэ спортынан қазақтан шыққан тұңғыш әлем чемпионы Мөлдір Жаңбырбай Мәскеуде өткен турнирдің жеңімпазы атанды. Бұл туралы Stan.kz ақпарат агенттігі хабарлайды.
Мөлдір Жаңбырбай Мәскеуде аяқталған дәстүрлі "Moscow Universe Karate 2024" турнирінде топ жарды. Әлемнің 31 елінен 350-ден астам спортшы қатысқан дүрмекте әлем және Олимпиада чемпиондары бақ сынап, өзара мықтыны анықтады. 50 келі салмақта бақ сынаған Мөлдір Жаңбырбай жартылай финалда әзірбайжандық Фидан Теймурованы қиындықсыз жеңсе, финалда жарыс қожайыны ресейлік Камилла Гариповадан 2:0 есебімен ұтты.
Айта кетейік, Мөлдір Жаңбырбай 2023 жылы әлем чемпионатында топ жарып, Қазақстан тарихында алғаш рет каратэден әлем чемпионы атанған еді. Қазір әлемдік рейтингте ол екінші орында тұр.
Мақсатым — Олимпиада. Жаңа бапкерлік штаб 1,5 жылда нәтиже береді — Ғұсман Қырғызбаев
Ғұсман Қырғызбаев: Біздің қырғыздарға ешқандай қатысымыз жоқ
Қазақстанда шетелдіктер тұрақты тұру үшін қазақ тілінен тест тапсырады: Бұл талап интеграцияны күшейте ме, әлде көшуге ниеттілерді азайта ма?
Тест онлайн форматта ҚАЗТЕСТ жүйесі арқылы өткізіледі