2025 жылдың 15 қаңтар күні Цифрлық даму, инновациялар және аэроғарыш өнеркәсібі министрі Жаслан Мәдиев өзінің Facebook парақшасында Әділхан Қопабаевтың ірі компанияда басшылық қызметке тағайындалғаны туралы жазды:

“Отандасымыздың Apple компаниясына басшылық лауазымға тағайындалғанын қуана хабарлаймын! Бұл жаңа кезең оған көптеген жетістіктер мен кәсіби өсу әкелсін. Енді Әділхан Орталық Азия және Армения аймағын қадағалайды”, – деп жазды Жаслан Мәдиев.

Кейін бұл ақпаратты Әділхан Қопабаевтың өзі Instagram парақшасында растады.

“Apple компаниясына Қоғамдық саясат бөлімінің басшысы ретінде және Орталық Азия мен Армения үкіметіне қосылғанымды қуана хабарлаймын”, – делінген жазбада.

Әділхан Қопабаев 1995 жылы 9 шілдеде Ақтөбе қаласында дүниеге келген. Оңтүстік Корея мен АҚШ-та оқыған. Ол еңбек жолын 2014-2016 жылдары KazAlliance NPO (Сеул, Оңтүстік Корея) филиалының басшысы болып бастады.

“ICON" халықаралық консалтинг ұйымында (Сеул, Оңтүстік Корея; Стокгольм, Швеция; Нью-Йорк, АҚШ; Шанхай Қытай) бизнес-сарапшысы қызметін атқарды (2016-2018);
Қазақстан Республикасы Еңбек және халықты әлеуметтік қорғау министрінің кеңесшісі (2018-2019);
Қазақстан Республикасы Ұлттық Банкінің бас экономист-маманы (2019-11.2019);
Премьер-министр Кеңсесінің (Үкіметтің жобалық кеңсесі) қызметкері (11.2019-2021 ж.);
Браун университетінде (Провиденс, АҚШ) зерттеуші талдаушы (2021-2022);
АҚШ Ұлттық көлік жүйелері орталығының бизнес-сарапшысы DOT Volpe (Бостон, АҚШ) (2022-2023);
PFPchat бас директоры (Бостон, АҚШ) (2021-2023) болып жұмыс істеген.

Сондай-ақ 2023 жылы Әділхан Қопабаев Қазақстанға оралып, Энергетика министрлігінің "Мұнай және газ ақпараттық-талдау орталығы" АҚ бас директоры қызметіне тағайындалды.

Еске салайық, 2022 жылдың қыркүйегінде президент Қасым-Жомарт Тоқаев Нью-Йоркке барып, әлемдегі ең ірі IT-компанияларда жұмыс істейтін қазақстандық мамандармен кездесу өткізді. Бұдан кейін Мемлекет басшысы отандастарды Отанға оралып, отандық экономиканы дамытуға үлес қосуға шақырды. Сол жиында Әділет Қопабаев та болған.

Талқылау