Қазақстанда вебкам мен онлайн жезөкшелікке тыйым салынды: Заң күшіне енді
Елімізде 5 қыркүйекте "Адам саудасына қарсы күрес туралы" заң күшіне енді. Енді онлайн жезөкшелікпен айналысқандар қылмыстық жауапкершілікке тартылады. Бұл туралы Stan.kz ақпарат агенттігі Polisia.kz порталына сілтеме жасап хабарлайды.
Фото: Pexels
Қазақстанның қылмыстық кодексіне "жыныстық сипаттағы өзге де қызметтер" деген жаңа ұғым енгізілді. Адамдарды өзге де интимдік сипаттағы қызмет көрсетуге тартуға, осы мақсатта жеңгетайлық жасауға, үгіт-насихатқа және жарнамаға тыйым салынады.
Сондай-ақ кәмелетке толмағандарға жезөкшелікпен айналысқаны үшін немесе жыныстық сипаттағы өзге де қызметтерді пайдаланғаны үшін қылмыстық жауапкершілікке тартылады.
Қазақстан Ішкі істер министрлігі адам саудасына байланысты қылмыстар бойынша тараптар татуласқан жағдайда да ешкім қылмыстық жауаптылықтан босатылмайтынын атап өтті.
Бұған дейін Қызылордада ер адам интимдік қызмет көрсетуге арналған бөлме ұсынғаны үшін жауапқа тартылған еді.
"8 наурызды тойламаймын": Қазақстандық әйелдер атаулы мерекеден не үшін бас тартқандарын айтты
Қазастандық: "Үйде де, жұмыста да, көшеде де қор болып, зәбір көретін – әйел"
"Жеті атаны білеміз, жеті апаны ше": Қазақстандықтар әйелдерді шежіреге қосуды ұсынды
Этнограф: "Шежіреге қыздар жазылмаса, ру аттары неге әйел атымен аталған?"