Қазақстанда запастағы әскерилерге жалақы төленеді – Сенат заң жобасын мақұлдады

Қазақстанда запастағы әскери қызметкерлерге ай сайын минималды айлық төленеді. Бұл норма резервтегі әскери қызмет туралы заңға енгізілетін өзгерістерге қосылған. Бұл туралы Stan.kz ақпарат агенттігі хабарлайды. 

Фото: pixabay.com

Сонымен қатар резервтегі әскери қызметкерлер дайындық бойынша және дағдарыс жағдайындағы жиын кезінде жұмыссыз әскерилер де минималды айлық алады. Өзге азаматтарға жұмыс орны бойынша орташа еңбекақы төленіп, лауазымы сақталады. 

Сондай-ақ нормада резервтегі әскери қызметке қосылуға арналған талаптар көрсетілген: 

• Жеке, моральдық және кәсіби қаситеттерінің, білім деңгейінің болуы;
• Жас шектеуі (сержант құрамы үшін 18-47 жас аралағында, офицерлік құрам үшін 57 жас);
• Мерзімдік әскери қызметті міндетті түрде өтеуі немесе әскери кафедрада оқуы керек;

"Резервтегі әскери қызметті өтеу туралы шарттың мерзімі, шарт жасасу тәртібі мен жиындар өткізу белгіленеді. Келісімшарт ерікті негізде 3 жылға жасалады. Ал оқыту және әскери дайындық бойынша жиын бір жылда 60 күнтізбе күнінен аспайды. Оның ішінде 3 күннен аспайтын ай сайынғы оқыту да бар", – деді сенатор Сергей Ершов.