AAPL
137.59 $
0.17 %
TSLA
709.42 $
-0.05 %
NDAQ
143.08 $
0.7 %
GOOGL
2207.68 $
-1.35 %
FRHC
40.71 $
-0.97 %
AAPL
137.59 $
0.17 %
TSLA
709.42 $
-0.05 %
NDAQ
143.08 $
0.7 %
GOOGL
2207.68 $
-1.35 %
FRHC
40.71 $
-0.97 %
Соңғы жаңалықтар
Соңғы жаңалықтар

Қазақстанда ҰОС ардагерлері 9 мамырға орай Ресей ардагерлерімен салыстырғанда 17 есеге артық ақша алады

Қазақстанда Жеңіс күніне орай ҰОС ардагерлері төленетін сыйақы көршілес Ресеймен салыстырғанда 17 есеге артық. Бұл туралы ресейлік БАҚ жазды, деп хабарлайды Stan.kz ақпарат агенттігі. 

Қазақстанда соғыс ардагерлеріне 805 мың теңгеден (140 мың рубль) беріледі. Бұрынғы ТМД елдерінің ішінде бұл ең жоғары көрсеткіш. Екінші орында - Өзбекстан (12 млн сум немесе 85 мың рубль) болса, ал үштікті Әзірбайжан (750-1500 манат немесе 32 мың-65 мың рубль аралығы) елі қорытындылайды. 



Ал көршілес Ресейде Ұлы Отан соғысының ардагерлеріне 10 мың рубльден (шамамен 60 мың теңге) беріледі екен. 

Сондай-ақ, Беларусь, Түркменістан, Эстония, Грузия, Армения, Литва және Латвия елдерінде ешқандай төлем қарастырылмаған.

Бұған дейін Жеңіс күніне орай, Нұр-Сұлтан мен Алматыда ҰОС ардагерлері 1 млн теңгеден алады деп хабарланған еді. Шымкенттік ардагерлерге 1 млн теңгеден сәл аса (360 АЕК), ал Ақмола облысында 2 млн теңгеден ақы төленеді. 

Ресейде биыл 20 320 ардагер сыйақы алады. Ал Қазақстанда Ұлы Отан соғысы қатысушылары мен мүгедектерінің саны - 387. 

“Қазақстанда ҰОС ардагерлері 9 мамырға орай Ресей ардагерлерімен салыстырғанда 17 есеге көп ақша алады. 

Бұл жекелеген қорлар мен қайырымды жандардың көмектерін қоспағанда. Аталарымыздың есімін шынайы көмек көрсетіп еске алу керек. Парадтарды ұнататындарға жауап", - деп жазды депутат Ерлан Сайыров Facebook-те. 

Айта кетейік, бұған дейін ресейлік тележүргізуші Тигран Кеосаян Украинадағы жағдайды мысалға келтіре отырып, қазақстандықтарға сес көрсеткен еді. Өз сөзінде ол Қазақстанда Жеңіс күніне орай парадтардың болмайтынын атап өткен. 

“Қазақтар, алғыстарың қайда? Сендер Ресейді дүниежүзінен жоқ болып кетеді деп ойлайсыңдар ма? Украинаға қараңдар да, жақсылап ойланыңдар. Біздің жауапты тұлғалар біздің қарым-қатынасымызды қайта қарауы керек. Қателесесіңдер! Сендерде әлі уақыт бар. Соңғы вагонға үлгеріп қалуларың да мүмкін. Қазір үлкен соғыс жүріп жатыр. Осы орайда, бізді кім қолдайтынын дұрыстап бақылау керек. Жетер! Өтірік ойнап болған шығарсыңдар. Билікті құтқарып, былығыңды реттеуге қайтарымсыз көмек сұрауларыңды доғарыңдар! Парад өткізбейміз дегендерің не?" — деді ол.

Талқылау
Пікір
Қазір оқып жатыр
Қазір оқып жатыр