Қазақстанда шілдеден бастап бірқатар әлеуметтік төлемнің мөлшері артады
Еңбек және халықты әлеуметтік қорғау министрлігі "2023 жылғы 1 шілдеден бастап Мемлекеттік әлеуметтік сақтандыру қорынан төленетін әлеуметтік төлемдердің мөлшерін ұлғайту туралы" үкімет қаулысының жобасын дайындады. Құжатқа сәйкес, республикада еңбекке жарамсыз болып қалу және асыраушысынан айырылу бойынша жәрдемақы мөлшері 14,5 пайызға артады, деп хабарлайды Stan.kz ақпарат агенттігі.
"2023 жылғы 1 шілдеге дейін Мемлекеттік әлеуметтік сақтандыру қорынан еңбек ету қабілетінен айырылу және асыраушысынан айырылу жағдайларына тағайындалған әлеуметтік төлемдердiң мөлшерiн 2023 жылғы 1 шілдеден бастап алатын әлеуметтік төлемдердің мөлшерінен 14,5 пайызға арттыру жүргізілсін", - делінген құжат жобасында.
Қаулы жобасы 14 сәуірге дейін "Ашық НҚА" сайтында қоғамдық талқылаудан өтеді.
Бұған дейін президент Қасым-Жомарт Тоқаев ерекше қажеттіліктері бар адамдар мен олардың күтушілеріне берілетін жәрдемақыны 14,5 пайызға арттыруды тапсырған болатын.
Еміне 1,5 миллиард теңге қажет: Қазақстандық 7 жасар баланың бұлшықеттері әлсізденіп, жүруі қиындаған
Дәрігерлер қателесіп, 4 ай бойы баланы бауыр фиброзынан емдеген
Қазақстан әйелдерінің үйдегі тегін еңбегінің құны қанша: Есептеп көрдік
Оқырман: "Әйелдер де күнделікті тұрмыстан шаршайды, кейде демалып алғысы келеді"