Қазақстанда мобильді аударымдарды тексерудің ең төменгі шегі көтерілді
Қазақстанда мобильді аударымдарды тексерудің ең төменгі шегі 1 миллион теңгеге көтерілді. Бұл туралы Stan.kz ақпарат агенттігі хабарлайды.
Фото: pixabay.com
Бұл туралы қаржы вице-министрі Ержан Біржанов мәлімдеді.
"Біз соманы 224 мыңнан 1 миллион теңгеге дейін ұлғайттық. Егер үш ай ішінде жалпы алғанда аударым 1 миллион теңге болса тексеріледі", – деді Біржанов.
Мобильді аударымдар садақаға, қайырымдылыққа, емге жиналатын қаржыға қалай әсер ететіні айтылды
Айта кетейік, банктер салық органдарына үш ай қатарынан әртүрлі адамдардан 100-ден астам аударым алған қазақстандықтар туралы мәлімет беруге міндетті. Айта кетейік ақша түсетін есепшот кәсіпкерлік қызметті жүргізуге арналмаған болуы керек.
Еске салсақ, осыған дейін қаржы вице-министрі Ержан Біржанов Қазақстанда мобильді аударымдар бойынша мониторинг жасалатын шекті соманы 255 мың теңгеден 1,2 миллион теңгеге дейін ұлғайту мәселесі талқыланып жатқанын мәлімдеген еді.