Қазақстанда енді көлік пен пәтер сатып алу кезінде мүлік қайта тіркелгенге дейін ақша бұғатталады

Фото: depositphotos.com

Ішкі істер министрлігі мен жасанды интеллект және цифрлық даму министрлігі автокөлік сатылымы кезінде мүлік сатып алушыға қайта тіркелгенге дейін ақшаны блоктайтын механизмді сынақтан өткізіп жатыр. Бұл туралы Stan.kz ақпарат агенттігі хабарлайды. 

Мұндай механизм Қазақстанда жылжымайтын мүлік мәмілелерінде де енгізілуі жоспарлануда.

Үкіметте мемлекеттік қаржы саласына цифрлық теңгені енгізу жөніндегі жұмыс тобының бірінші отырысын өткізді.

"Қауіпсіз мәміле" жобасы 2026 жылғы сәуір айында іске қосылады деп жоспарлануда. 

“ІІМ мен ЖИЦД министрлігі автомобиль үшін ақша қайта тіркелгенге дейін бұғатталатын механизмді сынақтан өткізуде. Дәл осындай механизмді жылжымайтын мүлік мәмілелері үшін де қолданылады”, – делінген хабарламада. 

Сонымен қатар, ЭШФ жүйесінің цифрлық теңге платформасымен интеграциясы жүргізілуде. Пилотты кеңейту 2025 жылдың соңына дейін орындалады.

Жылжымайтын мүлік үшін 450 миллион: Үкімет "сән-салтанат" салығының шегін анықтады

Қазақстанда енді тауарлардың бөліп төлеуге арналған құны мен сатып алу құны екі бөлек көрсетіледі

Қымбат медициналық жабдықтарды сатып алу кезінде және ірі өнеркәсіптік нысандарды салуда цифрлық теңгені қолдану да қарастырылып жатыр.

"Дамуға" өтінім беру кезінде ШОБ несиені пайдалану мақсаттарын көрсетіп отырғаны атап өтілді. Бұл бағдарламаланатын параметрлерді алдын ала қалыптастыруға мүмкіндік береді. Жақын арада 2026 жылғы пилот үшін алғашқы жоба анықталады. МКК мемлекеттік сатып алу кезінде цифрлық теңгені қолдануға қатысты мемлекеттік сатып алудың жекелеген түрлерінде цифрлық теңгені енгізудің техникалық әзірлігі қамтамасыз етілді. Қажетті құжаттамалық рәсімдер жүргізілуде. Цифрлық теңгені енгізу есеп айырысу тізбектерінің толық ашықтығын қамтамасыз етіп, бюджетке түсетін түсімдердің толықтығы мен уақтылығын қамтамасыз етеді. Салық тәуекелдерін азайтып, қаражатты жұмсауды бағдарламалау есебінен жалған схемаларды пайдалану мүмкіндігін шектейді”, – делінген ақпаратта. 

Ортамерзімдік кезеңде кемінде 100 мемлекеттік жобаны жүзеге асыру кезінде цифрлық теңгені енгізу міндеті қойылып отыр. Ол үшін Ұлттық банк қаржы министрлігімен бірлесіп, транзиттік интеграция моделін жүзеге асыруда. Нысаналы модель қаржы министрлігінің қазынашылық комитеті үшін бірыңғай терезе құруды, цифрлық теңгені эмиссиялау және өтеу жөніндегі үдерістерді автоматтандыруды, сондай-ақ өтімділікті басқару тәсілдерін енгізуді көздейді.

Отырыс қорытындысы бойынша қаржы министрлігі жыл соңына дейін Ұлттық банкпен бірлесіп, қазынашылық жүйелерін цифрлық теңге платформасымен интеграциялаудың нысаналы моделін әзірлейді деп шешілді. Көлік министрлігінің алдына жолдарды орташа жөндеудің жаңа жобаларында цифрлық теңгені кеңейтудің жол картасын әзірлеу міндеті қойылды. "Самұрық-Қазына", оқу-ағарту министрлігі және денсаулық сақтау министрлігі цифрлық теңгені пайдалана отырып, сатып алу үшін жобалардың тізбесін айқындауы тиіс.

Еске салсақ, осыған дейін пәтерді жасырын жалға берген қазақстандықтар 60 мың теңгеге дейін айыппұл арқалайтынын жазғанбыз.