Қазақстанда ең төменгі жалақы келесі жылы өсуі мүмкін – Еңбек министрі Светлана Жақыпова

Фото: pixabay.com

Мәжіліс кулуарында еңбек және халықты әлеуметтік қорғау министрі Светлана Жақыповаға ең төменгі жалақыны көтеру жөніндегі сұраққа жауап берді. Бұл туралы Stan.kz ақпарат агенттігі хабарлайды.

Еңбек және халықты әлеуметтік қорғау министрінің айтуынша, ең төменгі жалақыны анықтаудың жаңа әдістемесі қабылданған, қазір бұл мәселемен үш институт айналысып жатыр.

"Бұл мәселе күн тәртібінде бар. 2024 жылы еңбек министрлігі осы жылдар аралығында алғаш рет ең төменгі еңбекақыны анықтау әдістемесін қабылдады. Бүгінде бірнеше институт еңбек өнімділігінің нақты көрсеткіштерін, өңірлер, салалар бөлінісіндегі медианалық жалақы бойынша зерттеулер жүргізуде және соның барлығы ең төменгі жалақыны есептеуге негіз болады", – дейді министр.

Ең төменгі жалақы нақты қанша теңгеге өсетіні зерттеулерден кейін белгілі болады. Министрдің айтуынша, зерттеу жүргізгеннен кейін ең төменгі жалақы келесі жылдың 1 қаңтарынан бастап көтерілуі мүмкін.

Айта кетейік, 2024 жылдың қаңтар айында еңбек және халықты әлеуметтік қорғау министрлігі Дүниежүзілік банк сарапшыларымен бірлесе отырып, ең төменгі жалақыны анықтау әдістемесінің жобасын әзірледі.

Халықаралық еңбек ұйымы барлық елге Кейтц индексін ұстануды ұсынады. Бұл индекс — заңмен белгіленген ең төменгі жалақының медианалық жалақыға арақатынасы — кемінде 50% деңгейінде болуы керек.

Дамыған елдерде Кейтц индексі шамамен 55%-ға тең. Ал Қазақстанда бұл көрсеткіш айтарлықтай төмен – 2023 жылы небәрі 34% болды.