Дуалап ақшаңды алады: Қазақстанда емшілердің қызметін бақылауға алу ұсынылды
Мәжіліс депутаттары Қазақстанда халық емшілерінің бақыланбайтын қызметі туралы мәселені көтерді.
Мәжіліс депутаты Ахмед Мұрадовтың айтуынша, қазіргі уақытта нарықта көптеген қытай, ислам және дәстүрлі емес емдеу түрлері бар, деп жазады Sputnik.
“Мен емшілерге емделіп жүрген адамдарды көргем. Емшілердің қызметін бақылап жатқан ешкім жоқ. Ал, олардың қалай ақша жасайтынын білсеңіздер. Дәрілері қымбат тұрады. Нәтижесі жоқ. Адамдар нашарлай бастаған соң медицинаға жүгінеді. Мұны бақылауға алу керек шығар. Бұндай жолен ақша табатын қанша емшілер бар? Көрсеткіші қандай?”, деп парламент депутаттары денсаулық сақтау мәселелері бойынша заң жобасына түзетулерді қарау кезінде сұрақтар қойды.
«Сіз ресми дәрігерлермен соттаса аласыз, бірақ мұндай емшілерге шағым жаза алмайсыз. Олардың жұмысын қоғам болып зерттеуге болады”, – деді Ахмет Мұрадов.
Төраға Нұрлан Нығматулин де депутаттың сынымен келісті. Оның пікірінше, заңнамалық нормалардан басқа, азаматтардың ішкі мәдениетін қалыптастыру керек.
«ХХІ ғасырдағы адам бүгінгі күні барлық жарнамалық акциялардың өткен кезеңі екенін түсінуі керек. Бұрын стадиондар толық жиналған кезде, теледидар бетін банктер жарнамасы жаулап алатын», – деп еске алады ол.
Ұсыныс ретінде Нұрлан Нығматулин қазақстандықтарға толығымен және салауатты өмір сүру үшін дұрыс тамақтану, денсаулық сақтау және спортты ерте жастан ұстану керек деп кеңес берді.
Stan.kz сайтын Telegram арқылы оқыңыз. Арнамызға жазылыңыз.