Қазақстанда бұғатталған қаржыны қайтарып алу жеңілдей түсті
Фото: freepik.com
Ұлттық банктің алаяқтыққа қарсы жаңа түзетулеріне сәйкес, күмәнді аударымдар бойынша бұғатталған ақшаны сот шешімін күтпей-ақ, прокурордың санкциясымен қайтаруға болады. Бұл туралы Stan.kz ақпарат агенттігі "КТК" арнасына сілтеме жасап хабарлайды.
Бұл өзгерістердің іске асуына орталық банк жетекшілік етеді. Ұлттық антифрод-орталық жанынан күмәнді банк карталары мен электронды әмиян тіркейтін бірыңғай база құрылмақ. Бұғатталған шот иелері енді шәкіртақыдан бастап, жәрдемақы, жалақы, зейнетақы сияқты маңызды төлемдеріне кедергісіз қол жеткізе алады.
Алдағы уақытта жасанды интеллект көмегімен күдікті қаржы операцияларын автоматты түрде бұғаттау жүйесі де іске қосылмақ. Сондай-ақ енді жеке шотын алаяқтарға пайдалануға бергендер, яғни дропперлер қылмыстық жауапқа тартылатын болады.
"Қаржы ұйымдары күдікті операцияларға сапалы талдау жүргізуі үшін алаяқтық белгісі бар транзакцияны бұғаттау мерзімі 3 жұмыс күнінен 5 жұмыс күніне дейін ұзартылды. Антифрод-орталықты дамытудың келесі кезеңі банк қосымшаларындағы күдікті белсенділікті анықтайтын және банкаралық деңгейде күмәнді аударымды бұғаттайтын ЖИ технологиясын енгізеді", – дейді Ұлттық банктің баспасөз хатшысы Асан Ахметжан.
Қоғам белсендісі Алматы көшелеріне төселген брусчатканың жеке қолға сатылып жатқанын әшкереледі: Алайда әкімдік олардың мұқтаж отбасыға берілгенін айтып отыр
