Қазақстанда бензин бағасы тағы да көтеріледі
Фото: depositphotos.com
Қазақстанда бензин бағасы тағы да көтеріледі. Бұл туралы Stan.kz ақпарат агенттігі Информбюро бағдарламасына сілтеме жасап хабарлайды.
Бұл туралы премьер-министрдің орынбасары Роман Скляр мәлімдеді. Оның айтуынша, қазір арзан жанармай көлеңкелі жолмен өзге елдерге шығарылып жатыр. Сондықтан, бензин мен дизель отынының құнын көрші елдердегі бағамен теңестіру қажет.
Сондай-ақ вице-премьер өндірісті ұлғайту жайы да қарастырылып жатқанын жеткізді. Нақтырақ айтсақ, Шымкент мұнай өңдеу зауытының екінші кезеңін салу жоспарланып отыр. Яғни, мұнай өңдеу көлемі екі есеге, 6 миллион тоннадан 12 миллион тоннаға дейін өспек. Бұдан бөлек, Павлодар және Атырау зауыттарының қуатын арттыру бойынша бірқатар шаралар қолға алынбақ.
Айта кетейік, қазір жанармай құю бекеттерінде АИ-92 маркалы бензин 205 теңге көлемінде, ал АИ-95 244–264 теңге шамасында сатылып жатыр.
Еске салсақ, бұған дейін бұрынғы энергетика министрі де Қазақстандағы бензин бағасы көрші елдермен теңесетінін айтқан еді.
Үлескерлерге қатысты заң өзгереді, Трамптың 25%-дық баж салығы күшіне енеді: Қазақстанда 1 тамыздан бастап не өзгереді
