Қазақстанда айыппұл арқаламас үшін қозғалтқышты қалай қыздыру керек
Қазақстанда айыппұл салмау үшін қозғалтқышты қанша уақытта жылыту керегі анықталды. Бұл туралы Stan.kz ақпарат агенттігі хабарлайды.
Зерттеулер көрсеткендей, көптеген көлік үшін майдың бүкіл жүйеге біркелкі таралуы үшін 1-2 минут жеткілікті. 5 минуттан ұзақ қыздыру тек отын шығынын және зиян заттар шығарындысын арттыруы мүмкін.
Жол қозғалысы ережесінің 88-бабы 5-тармағына сәйкес, егер бұл тұрғындарға қолайсыздық туғызса, елді мекендерде қозғалтқышы жұмыс істеп тұрған автокөлік құралдарын қоюға тыйым салынады. Бұл ережелерді бұзу әкімшілік жазаға әкелуі мүмкін. Жол қозғалысы ережесінің 17-тарауының 122-бабы 4-тармағында да осындай талап бар.
Осыған ұқсас талап Жол қозғалысы ережесінің 17-тарауының 122-тармағының 4-тармақшасында да бар.
Осылайша, егер көлік құралы қозғалтқышы жұмыс істеп тұрған кезде бес минуттан астам тұрса және бұл тұрғындарға қолайсыздық тудырса, онда бұл жағдайда әкімшілік құқық бұзушылық туралы кодекстің 597-бабының 1-бөлігінде (Көлiк құралдарын тоқтату немесе тоқтап тұру қағидаларын бұзу) көзделген құқық бұзушылық белгілері қарастырылады. Бұл бұзушылық үшін айыппұл 5 АЕК (19 660 теңге), ал қайталап жасағаны үшін 10 АЕК (39 320 теңге) болады.
Тәртіп бұзушыларды жауапкершілікке тарту үшін мемлекеттік тіркеу нөмірлерін, күні мен уақытын көрсетіп, ұзақтығы 5 минуттан асатын видео түсіру қажет.
Айта кетейік, бұған дейін Алматыда ауаға шамадан тыс зиян қалдықтар шығарған көліктер тексеріліп, айыппұл арқалайтыны туралы жазған едік.