Қазақстан Сирияға 50 тонна гуманитарлық көмек жібереді
Қазақстан жойқын жер сілкіністерінен зардап шеккен Сирияға 50 тонна гуманитарлық көмек жібереді деп хабарлайды Stan.kz ақпарат агенттігі.
9 ақпан бейсенбіде премьер-министрдің бірінші орынбасары Роман Склярдың төрағалығымен өткен Халықаралық гуманитарлық көмек мәселелері жөніндегі комиссияның отырысында Сирияға көмек беру туралы шешім қабылданды.
"Мемлекеттік материалдық резервтен консервілер, жылы киім, қысқы шатырлар, кереуеттер мен төсек-орын жабдықтары бөлінеді. Ол Ислам ынтымақтастығы ұйымының желісі бойынша Алеппо қаласына төрт әуе рейсімен жіберіледі", – делінген хабарламада.
Үкімет басшысының баспасөз қызметі Сирияға гуманитарлық көмек көрсету туралы тапсырманы Қазақстан президенті Қасым-Жомарт Тоқаев бергенін атап өтті.
Осыған дейін Сирияға гуманитарлық көмек берілетіні хабарланды.
Талқылау
Қазақстандық қыз АҚШ-та бөпелі болып, дипломын қызымен бірге алған: енді ол Стэнфордта докторантура оқымақ
Әсел докторантурада оқуды бұрыннан ойладым, 10 жыл еңбектендім дейді
“Босанған соң, анамның бүйрегін денем қабылдамай қойды": Қазақстандық әйел төрт жылда екінші рет ағзасын ауыстырмақ
Әйел диализден кейін жүрегі айнып, басы ауыратынын, әлсіз болатынын айтады